રિલાયન્સ ઈન્ડસ્ટ્રીઝના ચેરમેન મુકેશ અંબાણી હવે વિશ્વના ટોપ 10 ધનિકોની યાદીમાં નવમા સ્થાને પહોંચી ગયા છે. તેણે સ્ટીવ બાલ્મર અને લેરી એલિસનને પાછળ છોડીને બે સ્થાનની છલાંગ લગાવી છે. ફોર્બ્સની રિયલ ટાઈમ બિલિયોનેર્સ લિસ્ટમાં આજે મુકેશ અંબાણી $4.7 બિલિયનની કમાણી સાથે ટોપ વિનરમાં નંબર વન સ્થાન પર છે, જ્યારે ટોપ લૂઝરમાં નંબર વન લોન મસ્ક છે, જેમણે એક દિવસમાં $12.1 બિલિયનનું નુકસાન કર્યું છે.
આજે, રિલાયન્સ ઇન્ડસ્ટ્રીઝના શેરમાં વધારાને કારણે, સવારે 10.15 કલાક સુધી અંબાણીની નેટવર્થમાં $4.7 બિલિયનનો વધારો થયો હતો. મુકેશ અંબાણી બ્લૂમબર્ગ બિલિયોનેર્સ ઈન્ડેક્સમાં 9મા ક્રમે અને ફોર્બ્સની રિયલ ટાઈમ બિલિયોનેર્સની યાદીમાં 10મા ક્રમે છે. ગુરુવારે સવારે રિલાયન્સ ઇન્ડસ્ટ્રીઝનો શેર આજે રૂ. 2776.40ની 52 સપ્તાહની ટોચે પહોંચી ગયો છે.
ગૌતમ અદાણીની સંપત્તિમાં આજે 2.4 અબજ ડોલરનો વધારો થયો છે. તે હજુ પણ બ્લૂમબર્ગ બિલિયોનેર્સ ઈન્ડેક્સમાં 6ઠ્ઠું સ્થાન ધરાવે છે. તેમની કુલ સંપત્તિ $117 બિલિયન છે અને અંબાણીની સંપત્તિ $101 બિલિયન છે.
