Mukesh Amban FMCG sector: પરંપરાગત વ્યવસાય સાથે હવે મુકેશ અંબાણીની નજર હવે FMCG ક્ષેત્ર પર છે. જે ફોર્મ્યુલા દ્વારા રિલાયન્સના વડાએ ટેલિકોમ સેક્ટરમાં સફળતાનો સ્વાદ ચાખ્યો છે. હવે MMCG સેક્ટરમાં પણ આ જ ફોર્મ્યુલા અપનાવવા જઈ રહ્યા છે. તાજેતરમાં, તેમણે 90ના દાયકાના લોકપ્રિય સોફ્ટ ડ્રિંક કેમ્પાને ફરીથી લોન્ચ કરવાનો સંકેત પણ આપ્યો હતો.
યાદ કરો તે સમય જ્યારે આપણે બધાએ 1GB ઇન્ટરનેટ માટે 250 રૂપિયા સુધીનો ખર્ચ કરવો પડતો હતો. પરંતુ Jio આવતાની સાથે જ તેણે ટેલિકોમ જગતની તસવીર બદલી નાખી. શરૂઆતના કેટલાક મહિનાઓ સુધી Jio એ તેના ગ્રાહકોને મફત ઍક્સેસ આપી. આ ખાસ ઓફરને કારણે થોડા જ મહિનામાં રિલાયન્સ જિયો ટેલિકોમ સેક્ટરમાં એક મુખ્ય ખેલાડી તરીકે ઉભરી આવ્યું. હવે આ જ વ્યૂહરચના મુકેશ અંબાણીની રિલાયન્સ FMCG સેક્ટર માટે અપનાવવામાં આવનાર છે. રિલાયન્સે સોફ્ટ ડ્રિંક્સ સેગમેન્ટમાં કેમ્પા સાથે પ્રાઇસ વોર શરૂ કરી છે. હવે મુકેશ અંબાણીની રિલાયન્સ FMCG ક્ષેત્રની કંપનીઓ સાથે પણ સ્પર્ધા કરવા તૈયાર છે. રિલાયન્સ કન્ઝ્યુમર પ્રોડક્ટ્સ લિમિટેડ તરફથી ગ્લિમર બ્યુટી સોપ, ગેટ રિયલ નેચરલ સોપ અને પ્યુરિક હાઈજીન સોપની કિંમત રૂ. 25 છે. જ્યારે આ જ સેગમેન્ટમાં લક્સ સાબુ 35-100 ગ્રામ, ડેટોલ 40માં 75 ગ્રામ અને સંતૂર 34માં 100 ગ્રામમાં વેચે છે.
આ સિવાય Jio માર્ટમાં 2 લીટર Enzo ફ્રન્ટ લોડ અને ટોપ લોડ ડિટર્જન્ટની કિંમત 250 રૂપિયા છે. તેની સરખામણીમાં સર્ફેક્સલ મેટિકની કિંમત 325 રૂપિયા છે. જણાવી દઈએ કે Jio માર્ટમાં 1 કિલો Enzo ફ્રન્ટ લોડ અને ટોપ લોડ ડિટર્જન્ટની કિંમત 149 રૂપિયા છે. રિલાયન્સ કન્ઝ્યુમર પ્રોડક્ટ્સ લિમિટેડ તરફથી ડીશ વોસ બારની કિંમત રૂ. 5, 10 અને 15 છે. આ સિવાય કંપની તેના લિક્વિડ જેલ પેકને 10, 30 અને 45 રૂપિયામાં વેચી રહી છે. આ મહિનાની શરૂઆતમાં કંપનીએ સોફ્ટ ડ્રિંક બ્રાન્ડ કેપમાને ફરીથી લોંચ કરી. કંપનીએ 200 ml ની બોટલ માટે 10 રૂપિયા અને 500 ml ની બોટલ માટે 20 રૂપિયાની કિંમત નક્કી કરી છે. આ સોફ્ટ ડ્રિંક સેગમેન્ટમાં કંપનીની સીધી સ્પર્ધા પેપ્સીકો અને કોકા-કોલા સાથે છે. રિપોર્ટ અનુસાર, ભારતમાં સોફ્ટ ડ્રિંકનું માર્કેટ 8.85 બિલિયન ડોલરનું છે.
રિલાયન્સની આ પ્રોડક્ટ્સ હાલમાં માત્ર પસંદગીના માર્કેટમાં જ ઉપલબ્ધ છે. પરંતુ કંપની રિટેલ ચેઇન પર ખૂબ જ ઝડપથી કામ કરી રહી છે. કંપનીનું માનવું છે કે ઓછી કિંમતના કારણે લોકો આ તમામ પ્રોડક્ટ્સ તરફ આકર્ષિત થઈ શકશે. તમને જણાવી દઈએ કે, FMCG સેક્ટરનું માર્કેટ કેપ 110 બિલિયન ડોલર છે. હિન્દુસ્તાન યુનિલિવર, પીએન્ડજી, નેસ્લે જેવી કંપનીઓ આ ક્ષેત્રમાં પ્રભુત્વ ધરાવે છે. રિલાયન્સની સીધી સ્પર્ધા આ કંપનીઓ સાથે છે. તેઓ એક સમર્પિત વિતરણ નેટવર્ક બનાવી રહ્યા છે જેમાં પરંપરાગત ડીલરો અને સ્ટોકિસ્ટો સાથે આધુનિક B2B ચેનલોનો સમાવેશ થશે.
ટેક્નોપાર્ક એડવાઈઝર્સના ચેરમેન અરવિંદ સિંઘલે જણાવ્યું હતું કે રિલાયન્સે અગાઉ ઓછી કિંમતની સેવાઓ આપીને ટેલિકોમ સેક્ટરમાં મોટો વિક્ષેપ ઉભો કર્યો હતો અને હવે તે FMCG સેગમેન્ટમાં પણ આવું જ કરવા માંગે છે. પરંતુ જો તેના ઉત્પાદનોની ગુણવત્તા થોડી પણ ઘટી જાય તો તે સફળ થઈ શકશે નહીં. આ સાથે તેમણે કહ્યું કે રિલાયન્સે FMCG સેક્ટરમાં પ્રવેશતા પહેલા જમીનની તૈયારીઓ ખૂબ સારી રીતે કરી છે અને વ્યક્તિગત વપરાશ પર વધુ ભાર આપી રહી છે.
આ પણ વાંચો: Suicide/ અભિનેત્રી આકાંક્ષા દુબેએ કરી આત્મહત્યા, વારાણસીની હોટલમાં લગાવી ફાંસી
આ પણ વાંચો: Uttar Pradesh/ એન્કાઉન્ટરના ભય વચ્ચે યુપી પોલીસ અતીક અહેમદને સાબરમતી જેલમાંથી પ્રયાગરાજ લાવશે
આ પણ વાંચો: Cricket/ ‘અમારા પઠાણ ભાઈઓ જીત્યા’, અફઘાનિસ્તાનથી હાર બાદ શોએબ અખ્તર કેમ ખુશ?
