Mumbai News : મેહુલ ચોક્સી PNB છેતરપિંડી કેસમાં મુંબઈ EDએ મોટી કાર્યવાહી કરી છે. જેમાં બેંક છેતરપિંડીના પીડિતો અને લેણદારોને ઝડપથી વળતર માટે ED દ્વારા કાર્યવાહી કરવામાં આવી રહી છે. મેહુલ ચોક્સીએ PNBને હજારો કરોડનું નુકશાન કરાવ્યું હતું. જેમાં ચોકસીએ PNB બેંક સાથે ઠગાઈ કરી 6098 કરોડનું નુરશાન પહોચાડ્યુ હતું.
બાદમાં EDએ રૂ. 340 કરોડની સ્થાવર મિલકત લિક્વિડેટરને હવાલે કરી છે. જેમાં મુંબઈ, પુના, કોલકાતા અને સુરત ખાતેની મિલક્તો સોંપવામાં આવી છે. લિક્વિડેટર હવે પીડિતના લાભ માટે મુદ્રીકરણની પ્રક્રિયા હાથ ધરશે. ED એ દેશભરમાં 145 થી વધુ સ્થળોએ દરોડા પાડયા હતા.
જેમાં ગીતાંજલિ ગ્રુપ સાથે સંકળાયેલ 598 કરોડની કિંમતી ચીજ-વસ્તુ અને ઝવેરાત જપ્ત કરી હતી. તે સિવાય ગીતાંજલિ ગ્રુપની 1968 કરોડની સ્થાવર જંગમ મિલકત પણ જપ્ત કરી હતી. જેમાં બેંક ખાતા, ફેકટરી, ઝવેરાત સહિત 26 હાજર કરોડની સંપત્તિ જપ્ત કરી હતી PNB છેતરપિંડી કેસમાં ED એ કુલ ત્રણ ફરિયાદ દાખલ કરી હતી
