IPL 2024ની 43મી મેચમાં દિલ્હી કેપિટલ્સે મુંબઈ ઈન્ડિયન્સને 10 રનથી હરાવ્યું હતું. આ વિજય સાથે દિલ્હી પોઈન્ટ ટેબલમાં પાંચમા સ્થાને પહોંચી ગયું છે. ટીમના ખાતામાં હવે 10 પોઈન્ટ થઈ ગયા છે. તે જ સમયે, મુંબઈ છ પોઈન્ટ સાથે નવમા સ્થાને છે. રસિક સલામે આ મેચમાં ઘાતક બોલિંગ કરી હતી. તેણે મુંબઈના મોટા ચહેરાઓને પેવેલિયનનો રસ્તો દેખાડ્યો હતો.
તિલક-પંડ્યાની મહેનત વેડફાઈ ગઈ
ટોસ હાર્યા બાદ પ્રથમ બેટિંગ કરવા આવેલી દિલ્હી કેપિટલ્સે 20 ઓવરમાં 4 વિકેટ ગુમાવીને 257 રન બનાવ્યા હતા. જવાબમાં મુંબઈ ઈન્ડિયન્સ 20 ઓવરમાં 9 વિકેટ ગુમાવી 247 રન બનાવી શકી હતી. મુંબઈ માટે તિલક વર્માએ જોરદાર પરફોર્મન્સ આપ્યું હતું. યુવા બેટ્સમેને 63 રનની જોરદાર ઇનિંગ રમી. જો કે, તે પોતાની ટીમને જીત સુધી લઈ જઈ શક્યો ન હતો. આ મેચમાં પાવરપ્લેમાં MIએ ત્રણ વિકેટ ગુમાવી દીધી હતી. રોહિત શર્મા આઠ રન, ઇશાન કિશન 20 અને સૂર્યકુમાર યાદવે 26 રન બનાવીને પરત ફર્યા હતા. આ પછી હાર્દિક પંડ્યાએ મોર્ચો સંભાળયો હતી. તેણે 46 રનની તોફાની ઈનિંગ્સ રમી હતી. દિલ્હી સામે નેહલે ચાર રન, ટિમ ડેવિડે 37 રન, મોહમ્મદ નબીએ સાત રન, પીયૂષ ચાવલાએ 10 રન અને લ્યુક વૂડે (અણનમ) નવ રન બનાવ્યા હતા. દિલ્હી તરફથી રસિક સલામ અને મુકેશ કુમારે ત્રણ-ત્રણ વિકેટ ઝડપી હતી. જ્યારે ખલીલ અહેમદે બે વિકેટ ઝડપી હતી.
દિલ્હીના બેટ્સમેનોએ મુંબઈના બોલરોને નિશાન બનાવ્યા હતા
મુંબઈ સામે દિલ્હીએ 20 ઓવરમાં 4 વિકેટ ગુમાવીને 257 રન બનાવ્યા હતા. આઈપીએલના ઈતિહાસમાં દિલ્હી દ્વારા બનાવવામાં આવેલો આ સૌથી વધુ સ્કોર છે. જેક ફ્રેઝર મેકગર્કે ઇનિંગની શરૂઆતમાં જ ચોગ્ગા અને છગ્ગા ફટકાર્યા હતા. તેણે પોરેલ સાથે પ્રથમ વિકેટ માટે 114 રનની ભાગીદારી નોંધાવી હતી. ઓસ્ટ્રેલિયન બેટ્સમેને 27 બોલમાં 84 રનની તોફાની ઇનિંગ્સ રમી હતી. આ દરમિયાન તેના બેટમાંથી 11 ચોગ્ગા અને છ છગ્ગા આવ્યા હતા. તે જ સમયે, તેનો સ્ટ્રાઈક રેટ 311.11 હતો. આ ઉપરાંત પોરેલે 36 રન બનાવ્યા હતા. શાઈ હોપ અને ઋષભ પંત વચ્ચે ત્રીજી વિકેટ માટે 53 રનની ભાગીદારી નોંધાઈ હતી જેને વુડે તોડી હતી. હો 17 બોલમાં 41 રન બનાવવામાં સફળ રહ્યો હતો. આ સાથે જ કેપ્ટન બે ચોગ્ગા અને બે છગ્ગાની મદદથી 29 રન બનાવવામાં સફળ રહ્યો હતો. પંત અને સ્ટબ્સ વચ્ચે 55 રનની ભાગીદારી થઈ હતી. સ્ટબ્સ 25 બોલમાં 48 રન બનાવીને અણનમ રહ્યો હતો. જ્યારે અક્ષર પટેલે 11 રનની અણનમ ઇનિંગ રમી હતી. આ મેચમાં વુડ, બુમરાહ, પીયૂષ ચાવલા અને મોહમ્મદ નબીને એક-એક વિકેટ મળી હતી.
આ પણ વાંચો:આ ખાસ લાડુ ઉનાળામાં શરીરને રાખશે ઠંડક, રોજ ખાઓ, નબળાઈ અને થાક દૂર થશે, જાણો રેસિપી
આ પણ વાંચો:શારીરિક સંબંધ બાંધ્યા પછી મહિલાઓએ આ 5 કામ કરવાનું ટાળવું જોઈએ, નહીં તો આ બીમારીનો ખતરો વધી શકે છે
આ પણ વાંચો:50 વર્ષની ઉંમરમાં પણ યુવાન દેખાવા અપનાવો કોરિયન સૌંદર્ય ટેકનિક
