આશ્રમશાળાના શિક્ષકે વિદ્યાર્થીનીને અશ્લીલ વીડિયો બતાવી કર્યા અડપલા

સુરત/ આશ્રમશાળાના શિક્ષકે વિદ્યાર્થીનીને અશ્લીલ વીડિયો બતાવી કર્યા અડપલા

બાળકીઓને મોબાઈલમા અશ્લીલ વીડિયો બતાવી શિક્ષક શારીરિક અડપલાં કરતો હોવાની ફરિયાદ નોંધવામાં આવી છે.

@નલિન ચૌધરી, સુરત ગ્રામ્ય

Surat News: માંડવીમાં માંડવીના ખોડાંબા ગામની આશ્રમશાળાના શિક્ષક વિરૂધ્ધ માંડવી પોલીસ મથકમાં ફરિયાદ નોંધાતા ચકચાર મચી છે.

પ્રાપ્ત માહિતી અનુસાર સુરત ગ્રામ્ય વિસ્તારમાં શિક્ષણ જગતને કલંક લગાવતો એક કિસ્સો પ્રકાશમાં આવ્યો છે.માંડવી તાલુકાના ખોડાંબા ગામે વર્ષોથી આશ્રમશાળા કાર્યરત છે.આ આશ્રમશાળામાં શિક્ષક તરીકે ફરજ બજાવતા મૂળ ભાવનગરના મહુવાના વતની હાર્દિક સુધીરભાઈ પંડ્યાએ આશ્રમશાળામાં અભ્યાસ કરતી એક સગીર વયની બાળકી સાથે જૂન માસમાં આશ્રમશાળાના રૂમમાં જઈ અડપલા કર્યા હતાં.

ઉપરાંત આશ્રમશાળામાં અભ્યાસ કરતી બીજી ત્રણ છોકરીઓ સાથે અવારનવાર ક્લાસ રૂમમાં તેમજ તેમના રૂમમાં છેડછાડ કરી અડપલા કરતા બાળકીએ સમગ્ર ઘટના અંગે વાલીને જાણ કરી હતી.જેથી બાળકીના દાદાએ માંડવી પોલીસ સ્ટેશનમાં શિક્ષક વિરૂધ્ધ ફરિયાદ નોંધાવી હતી.માંડવી પોલીસે શિક્ષક વિરૂધ્ધ પોક્સો એક્ટ હેઠળ ફરિયાદ નોંધી શિક્ષકની ધરપકડ કરી વધુ તપાસ હાથ ધરી છે.