મુંબઈઃ ઈન્ડિયન પ્રીમિયર લીગ (આઈપીએલ) 2024 ની 20મી મેચમાં મુંબઈ ઈન્ડિયન્સ (MI) દિલ્હી કેપિટલ્સ (DC) નો સામનો કરશે. બંને ટીમો વચ્ચેની આ મેચ મુંબઈના વાનખેડે સ્ટેડિયમમાં છે. મેચમાં મુંબઈ ઈન્ડિયન્સે દિલ્હીને જીતવા માટે 235 રનનો ટાર્ગેટ આપ્યો છે.
મુંબઈ માટે ટિમ ડેવિડે 21 બોલમાં અણનમ 45 રન બનાવ્યા જેમાં ચાર છગ્ગા અને બે ચોગ્ગા સામેલ હતા. રોમારિયો શેફર્ડે 10 બોલમાં અણનમ 39 રન બનાવ્યા હતા. શેફર્ડે પોતાની ઇનિંગમાં ત્રણ ચોગ્ગા અને ચાર છગ્ગા ફટકાર્યા હતા. ઇનિંગ્સની છેલ્લી ઓવરમાં શેફર્ડે એનરિક નોર્સિયાના બોલ પર કુલ 32 રન બનાવ્યા હતા. રોહિત શર્મા (49), હાર્દિક પંડ્યા (39) અને ઇશાન કિશન (42)એ પણ શાનદાર ઇનિંગ્સ રમી હતી.
આ મેચ માટે મુંબઈ ઈન્ડિયન્સની ટીમમાં મોટા ફેરફાર કરવામાં આવ્યા છે. સ્ટાર બેટ્સમેન સૂર્યકુમાર યાદવ પ્લેઈંગ-11માં પરત ફર્યો હતો, જે ઈજાના કારણે પ્રથમ ત્રણ મેચ રમી શક્યો ન હતો. મોહમ્મદ નબી અને રોમારિયો શેફર્ડને પણ આ મેચમાં રમવાની તક મળી છે. બીજી તરફ, મિશેલ માર્શ દિલ્હી કેપિટલ્સ માટે આ મેચમાં ભાગ લઈ શક્યો ન હતો. માર્શ ઘાયલ થયો હતો. દિલ્હીએ આ મેચમાં ઓસ્ટ્રેલિયાના ફાસ્ટ બોલર જે રિચર્ડસન અને ઓલરાઉન્ડર લલિત યાદવને તક આપી હતી.
આઈપીએલમાં દિલ્હી કેપિટલ્સ અને મુંબઈ ઈન્ડિયન્સ વચ્ચે 33 મેચ રમાઈ છે. આ સમયગાળા દરમિયાન મુંબઈએ 18 મેચ અને દિલ્હી કેપિટલ્સે 15 મેચ જીતી હતી. મુંબઈનો તાજેતરના વર્ષોમાં દિલ્હીની ટીમ સામે સારો રેકોર્ડ રહ્યો છે. 2020 થી, બંને ટીમો વચ્ચે 9 મેચ રમાઈ છે, જેમાંથી મુંબઈએ 6 જીતી છે. IPL 2023 દરમિયાન બંને ટીમો વચ્ચે મેચ રમાઈ હતી, જેમાં મુંબઈનો છ વિકેટે વિજય થયો હતો.
મુંબઈ ઈન્ડિયન્સની પ્લેઈંગ ઈલેવન: રોહિત શર્મા, ઈશાન કિશન (વિકેટકીપર), સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), ટિમ ડેવિડ, મોહમ્મદ નબી, રોમારિયો શેફર્ડ, પીયૂષ ચાવલા, ગેરાલ્ડ કોએત્ઝી, જસપ્રિત બુમરાહ.
દિલ્હી કેપિટલ્સની પ્લેઈંગ ઈલેવન: ડેવિડ વોર્નર, પૃથ્વી શો, અભિષેક પોરેલ, રિષભ પંત (વિકેટકીપર/કેપ્ટન), ટ્રિસ્ટન સ્ટબ્સ, અક્ષર પટેલ, લલિત યાદવ, જે રિચર્ડસન, એનરિક નોર્સિયા, ઈશાંત શર્મા, ખલીલ અહેમદ.
આ પણ વાંચો: પંતને ફટકારવામાં આવ્યો 12 લાખનો દંડ જાણો કેમ
આ પણ વાંચો:RCB vs KKR Live: કોલકાતાએ બેંગલુરુને 7 વિકેટે હરાવ્યું
આ પણ વાંચો:ક્રિકેટર પૂજા વસ્ત્રાકરે ઈન્સ્ટાગ્રામ સ્ટોરી ડીલિટ કરી, PM અને દિગ્ગજ નેતાઓ પરની પોસ્ટ વાયરલ
