મહિનાભરથી ચિકિત્સકોની દેખરેખ હેઠળ રહેતાં ગોવાના મુખ્યમંત્રી મનોહર પરિકરને પેંક્રિયાટિક કેન્સર છે. શનિવારે ગોવા સરકારના સ્વાસ્થ્ય મંત્રી વિશ્વજીત રાણેએ આ વાતની જાણકારી આપી. વિપક્ષ છેલ્લાં કેટલાંક દિવસોથી પૂછી રહ્યાં હતા કે શું પરિકર શાસન ચલાવવાની અવસ્થામાં છે. જે બાદ સ્વાસ્થ્ય મંત્રીએ આ નિવેદન આપ્યું છે.
વિશ્વજીત રાણેએ કહ્યું કે, પારિકર ગોવાના મુખ્યમંત્રી છે. સાચી વાત એ છે કે તેઓ ઠીક નથી. તેમને પેંક્રિયાટિક કેન્સર છે. આ વાતને છુપાવવાનો કોઈ હેતુ જ નથી. પરિકરે લાંબા સમય સુધી ગોવાના લોકોની સેવા કરી છે. એવામાં તેમને એટલો અધિકાર તો છે કે કેટલોક સમય પરિવારની સાથે વિતાવી શકે.
રાણેએ કોંગ્રેસ પર નિશાન સાધતાં કહ્યું કે, તેઓ મુખ્યમંત્રીના સ્વાસ્થ્યને લઈને પણ રાજનીતિ કરી રહી છે. જો કોંગ્રેસ આ મામલે કોર્ટ જવા ઈચ્છે તો જાય. તેઓ તે માટે સ્વતંત્ર છે.
