ચેન્નઈ,
દ્રવિડ મુનેત્ર કષગમ (DMK)ના પૂર્વ કોર્પોરેટર સેલ્વ કુમારની ગુંડાગર્દીનો એક વીડિયો સોશિયલ મીડિયામાં ખુબ વાઈરલ થઇ રહ્યો છે. આ વીડિયોમાં તેઓ તમિલનાડુના એક બ્યુટી સલૂનમાં સ્પષ્ટ રીતે મહિલાને પગ વડે પીટતા નજરે આવી રહ્યા છે.
બીજી બાજુ સોશિયલ મીડિયામાં આ વીડિયો સામે આવ્યા પાર્ટી દ્વારા ત્વરિત જ કાર્યવાહી કરવામાં આવી છે અને તેઓને DMKમાંથી બહાર કરવામાં આવ્યા છે.
મળતી માહિતી મુજબ, સોશિયલ મીડિયામાં વાઈરલ થઇ રહેલો આ વીડિયો ૨૫ મે, ૨૦૧૮નો બતાવવામાં આવી રહ્યો છે. આ વીડિયોમાં તમિલનાડુના પેરમ્બપુર જિલ્લામાં સ્થિત એક બ્યુટી સલૂનમાં સેલ્વ કુમાર અને ચાર મહિલાઓ જોવા મળી રહ્યા છે.
