છત્તીસગઢમાં નક્સલવાદીઓનો ધમધમાટ ચાલુ છે. નક્સલવાદીઓએ બે દિવસમાં ત્રીજી વખત હુમલો કર્યો છે. સુકમામાં શનિવારે થયેલા એન્કાઉન્ટરમાં ત્રણ જવાનો શહીદ થયા હતા. સાંજે કાંકેરમાં એક જવાનને ગોળી મારી દેવામાં આવી અને હવે નારાયણપુરમાં IED બ્લાસ્ટમાં એક જવાન શહીદ થયો છે. આ ત્રણ ઘટનાઓમાં અત્યાર સુધીમાં 5 જવાન શહીદ થયા છે. હાલમાં સુરક્ષા દળો જવાબી કાર્યવાહી કરી રહ્યા છે.
મળતી માહિતી મુજબ, ઓરછા પોલીસ સ્ટેશન વિસ્તારના નારાયણપુર જિલ્લામાં નક્સલવાદીઓ દ્વારા લગાવવામાં આવેલા આઈઈડી બ્લાસ્ટમાં એક હેડ કોન્સ્ટેબલનું મોત થયું છે.આ માહિતી એસપી નારાયણપુર પુષ્કર શર્માએ આપી છે.
આ પહેલા છત્તીસગઢના કાંકેર જિલ્લામાં નક્સલીઓએ ભારતીય સેનાના એક જવાનની ગોળી મારીને હત્યા કરી હતી. આ જવાનો નક્સલ પ્રભાવિત કાંકેર વિસ્તારમાં તૈનાત હતા. અહીં તે આંબડા પોલીસ સ્ટેશન વિસ્તાર હેઠળના તેના ગામ યુસેલી ખાતે મેળામાં ભાગ લેવા ગયો હતો. જ્યાં સશસ્ત્ર નક્સલવાદીઓના એક જૂથે તેને ગોળી મારી દીધી હતી. જેના કારણે તેનું મોત થયું હતું.
તે જ સમયે, છત્તીસગઢના સુકમા જિલ્લામાં સુરક્ષા દળો અને નક્સલવાદીઓ વચ્ચે ભીષણ અથડામણમાં ત્રણ ડીઆરજી અધિકારીઓ શહીદ થયા હતા. મળતી માહિતી મુજબ, મૃતકોમાં ASI રામુરામ નાગ, સહાયક કોન્સ્ટેબલ કુંજમ જોગા અને કોન્સ્ટેબલ વંજમ ભીમાનો સમાવેશ થાય છે.
આ પણ વાંચો: આજે PM મોદી કરશે ‘મન કી બાત’, 98મો એપિસોડ સવારે 11 વાગ્યે થશે પ્રસારિત
આ પણ વાંચો:10 દિવસમાં પુલવામા હુમલાનું પુનરાવર્તન કરવાના હતા આતંકીઓ, પૂર્વ કમાંડરે પુસ્તકમાં કર્યો ખુલાસો
આ પણ વાંચો:CBI આજે નાયબ મુખ્યમંત્રી સિસોદિયાની કરશે પૂછપરછ, CM કેજરીવાલે કહ્યું- થઈ શકે છે ધરપકડ
આ પણ વાંચો:બલુચિસ્તાનમાં મહિલાઓનું થઈ રહી છે ગુમ, પાકિસ્તાની સૈન્યની હદ પાર
