નીરજ ચોપડાએ જેમણે સફળતાની એક નવી વાર્તા લખી છે , તેમણે પોતાની સફળતાની જાહેરાત ચાર વખત કરી હતી. વર્ષ 2017 માં તેમણે એક ટ્વિટ કર્યું હતું, જેમાં તેમણે લખ્યું હતું કે, ‘જ્યારે સફળતાની ઈચ્છા તમને સૂવા દેતી નથી જ્યારે મહેનત સિવાય કંઈ સારું લાગતું નથી , જ્યારે સતત કામ કર્યા પછી કોઈ થાક ન હોય તો સમજી લો કે તમે સફળતાનો નવો ઈતિહાસ રચવા જઈ રહ્યા છો. નીરજે આ ટ્વીટને આજ સુધી પિન કરી રાખ્યું છે.
નીરજે તેના પ્રથમ પ્રયાસમાં 87.03 મીટર ભાલો ફેંક્યો હતો અને તે શરૂઆતથી જ આગળ હતા. બીજા પ્રયાસમાં તેમણે 87.58 મીટર ફેંક્યાે. અહીં જ તેમના ગોલ્ડ મેડલ પાક્કો થઇ ગયો હતો અને ત્રીજા પ્રયાસમાં તે માત્ર 76.79 મીટર ફેંકી શક્યા હતા જ્યારે ચોથા પ્રયાસમાં તેમનો ફાઉલ થયો હતો. તેમણે છઠ્ઠા પ્રયાસમાં 84.24 મીટર ફેંક્યા.
ગોલ્ડ જીત્યા બાદ નીરજે કહ્યું, ‘વિશ્વાસ નથી થઈ રહ્યો કે ભારતે પ્રથમ વખત એથ્લેટિક્સમાં ગોલ્ડ મેડલ જીત્યો છે, તેથી હું ખૂબ ખુશ છું. અમારી પાસે અન્ય રમતોમાં માત્ર એક ઓલિમ્પિક ગોલ્ડ છે. તે જ સમયે, પત્રકાર પરિષદ દરમિયાન નીરજે કહ્યું, ‘મારા માટે મારી તાલીમ પ્રેરણા છે. ખેલાડી માટે સૌથી મોટી વસ્તુ ધ્યાન કેન્દ્રિત કરવી છે. લક્ષ્ય પર ધ્યાન કેન્દ્રિત કરો. મેડલ અને મેચ અંતે આવે છે. પ્રથમ તાલીમ અને ધ્યાન આવે છે. જો તે બંને બરાબર હશે તો તમે ચોક્કસ જીતી જશો. નીરજે પોતાનો સુવર્ણચંદ્રક મહાન ભારતીય દોડવીર મિલ્ખા સિંહને સમર્પિત કર્યો હતો. ગોલ્ડ જીત્યા બાદ નીરજે કહ્યું, ‘હું મારો ગોલ્ડ મેડલ મહાન દોડવીર મિલ્ખા સિંહને સમર્પિત કરું છું
