નેપાળ બુધવારે એશિયન ગેમ્સમાં T20 આંતરરાષ્ટ્રીય મેચમાં 300 થી વધુ રન બનાવનારી પ્રથમ ટીમ બની અને મોંગોલિયા સામેની મેચમાં ત્રણ વિશ્વ રેકોર્ડ બનાવ્યા. 19 વર્ષીય ડાબોડી બેટ્સમેન કુશલ મલ્લાએ T20 આંતરરાષ્ટ્રીય ક્રિકેટમાં માત્ર 34 બોલમાં સૌથી ઝડપી સદી પૂરી કરી હતી.
તેમણે ડેવિડ મિલર અને રોહિત શર્મા દ્વારા સંયુક્ત રીતે 35 બોલમાં સદી ફટકારનાર અગાઉનો વર્લ્ડ રેકોર્ડ તોડ્યો હતો. ત્રીજા નંબર પર બેટિંગ કરતા કુશલે 12 છગ્ગા અને 8 ચોગ્ગાની મદદથી 137 રનની અણનમ ઇનિંગ રમી જેના કારણે નેપાળે પ્રથમ બેટિંગ કરતા 3 વિકેટે 314 રન બનાવ્યા, જે T20 આંતરરાષ્ટ્રીય ક્રિકેટમાં સૌથી વધુ સ્કોર છે.
નેપાળના નંબર 5 બેટ્સમેન દીપેન્દ્ર સિંહ એરીએ માત્ર 9 બોલમાં અડધી સદી ફટકારીને યુવરાજ સિંહનો 16 વર્ષ જૂનો રેકોર્ડ તોડ્યો હતો. યુવરાજે 19 સપ્ટેમ્બર 2007ના રોજ ઈંગ્લેન્ડ સામે વર્લ્ડ ટી20 મેચમાં 58 રનની ઈનિંગ રમતા 12 બોલમાં અડધી સદી ફટકારી હતી.
T20 ઇન્ટરનેશનલમાં સર્વોચ્ચ ટીમ સ્કોરનો અગાઉનો રેકોર્ડ અફઘાનિસ્તાન પાસે હતો જેણે 23 ફેબ્રુઆરી 2019ના રોજ આયર્લેન્ડ સામે ત્રણ વિકેટે 278 રન બનાવ્યા હતા.
આ પણ વાંચો: Rajkot Match/ ભેજવાળા અને વાદળછાયા વાતાવરણ વચ્ચે રાજકોટમાં રમાશે ત્રીજી મેચ
આ પણ વાંચો: Accident/ મથુરામાં ટ્રેન દુર્ઘટના, ટ્રેક છોડીને પ્લેટફોર્મ પર ચઢી રેલગાડી, જુઓ વીડિયો
આ પણ વાંચો: ASIAN GAMES/ ભારતે રચ્યો ઇતિહાસ, શૂટિંગમાં મહિલા પિસ્તોલ ટીમે જીત્યો ગોલ્ડ મેડલ
