બોલિવૂડની સુંદર અભિનેત્રી નોરા ફતેહી તેના નવા ગીત નાચ મેરી રાનીને લઈને ચર્ચામાં છવાયેલી છે. આ વીડિયો સોંગ તાજેતરમાં જ રિલીઝ થયું હતું, જેમાં તે સિંગર ગુરુ રંધાવા સાથે જોવા મળી હતી. હવે નોરાનો બીજો નવો વીડિયો સામે આવ્યો છે, જેમાં તે શો ઈન્ડિયાઝ બેસ્ટ ડાન્સરના સેટ પર જોવા મળી રહી છે.
વીડિયોમાં જોઇ શકાય છે કે નોરા ફતેહી શોના સ્ટેજ પર નાચ મેરી રાની પર જોરદાર ડાન્સ કરતી જોવા મળી રહી છે. તે જ સમયે, જજ ગીતા કપૂર અને મલાઈકા અરોરા પણ તેને સમર્થન આપી રહ્યા છે. વીડિયોને જોરદાર રીતે પસંદ કરવામાં આવી રહ્યો છે અને શેર કરવામાં આવી રહી છે. જણાવીએ કે, નોરા અને ગાયક ગુરુ રંધાવાનું નાચ મેરી રાની રિલીઝ થયા પછીથી યુટ્યુબ પર પ્રથમ ક્રમાંકે ટ્રેન્ડ કરી રહી છે.
આ ગીત ગુરુ રંધાવા અને નિકિતા ગાંધીએ સાથે ગાયું છે. તનિષ્ક બાગચીએ આ ગીત લખ્યું હતું અને તેણે તે કંપોઝ કર્યું હતું. વિડીયો સોંગને અત્યાર સુધીમાં 2 કરોડ 18 લાખથી વધુ વ્યૂ મળી ચૂક્યા છે.
આપને જણાવી દઈએ કે નોરા તાજેતરમાં જ ઈન્ડિયાઝ બેસ્ટ ડાન્સરના શોમાં જજ તરીકે જોવા મળી હતી. જણાવીએ કે, મલાઇકા અરોરાને કોરોનાથી ચેપ લાગ્યાં બાદ શોમાંથી થોડા દિવસનો બ્રેક લીધો હતો. આવી સ્થિતિમાં, મલાઇકાની જગ્યાએ નોરા ફતેહી અન્ય જજ સાથે શોનો જજ કરી રહી હતી, જોકે, મલાઇકા પાછા ફર્યા પછી, નોરાએ શોને વિદાય આપી હતી.
નોરાના વર્ક ફ્રન્ટ વિશે વાત કરતાં તે છેલ્લે છેલ્લે ફિલ્મ સ્ટ્રીટ ડાન્સર 3 ડીમાં જોવા મળી હતી. આમાં તેણે વરુણ ધવન અને શ્રદ્ધા કપૂર સાથે કામ કર્યું હતું. હવે તે અજય દેવગણની ફિલ્મ ભુજ: ધ પ્રાઇડ ઓફ ઈન્ડિયામાં જોવા મળશે, જે ડિઝની પ્લસ હોટસ્ટાર પર રિલીઝ થવાની છે.
