જમ્મુ-કાશ્મીર (Jammu Kashmir) ના શોપિયાં જિલ્લામાં એન્કાઉન્ટરમાં શનિવારની સાંજથી સુરક્ષા દળો અને આતંકવાદીઓ વચ્ચેની એન્કાઉન્ટરમાં એક આતંકવાદી માર્યો ગયો છે. જમ્મુ કાશ્મીર પોલીસે એન્કાઉન્ટર સંબંધિત એક અપડેટ જાહેર કર્યું છે. શોપિયાંના રાવલપોરા વિસ્તારમાં એન્કાઉન્ટર ચાલુ છે. આ વિસ્તારમાં 2-3 આતંકીઓ છુપાયેલા હોવાના સમાચાર છે.
પોલીસના જણાવ્યા અનુસાર, આતંકવાદીઓના છુપાયેલા હોવાની જાણ થતાં સંયુક્ત ઓપરેશન હેઠળ સંયુક્ત કાર્યવાહી કરવામાં આવી હતી, ત્યારબાદ આતંકીઓએ ફાયરિંગ શરૂ કર્યું હતું. આતંકવાદીઓની ગોળીબાર બાદ એન્કાઉન્ટરની શરૂઆત થઈ હતી. હાલ એક આતંકવાદીને ઠાર મારવામાં આવ્યો છે.
આ પણ વાંચો : BSP ચીફ માયાવતીએ મુકાવી રસી, કહ્યું ગરીબોને મફત રસીકરણની વ્યવસ્થા કરે સરકાર
હિઝબુલ મુજાહિદ્દીનના 7 સહાયકોની ધરપકડ
ગઈકાલે જમ્મુ-કાશ્મીરના શોપિયાં જિલ્લામાં આતંકી સંગઠન હિઝબુલ મુજાહિદ્દીન (HM) સાથે જોડાયેલા સાત લોકોની ધરપકડ કરવામાં આવી હતી. કાશ્મીર ઝોન પોલીસે ટ્વિટ કર્યું છે કે શોપિયાં પોલીસે આતંકી સંગઠન હિઝબુલ મુજાહિદ્દીન માટે કામ કરતા સાત લોકોની ધરપકડ કરી છે. પોલીસના જણાવ્યા અનુસાર ધરપકડ કરાયેલા લોકો પાસેથી વાંધાજનક સામગ્રી મળી આવી છે.
કેસ નોંધી તપાસ હાથ ધરી છે. અને શુક્રવારે સલામતી દળોએ જમ્મુ-કાશ્મીરના ડોડા જિલ્લામાં એક ઘરમાંથી એક આતંકીની ધરપકડ કરી હતી અને તેની પાસેથી હથિયારો અને દારૂગોળો કબજે કર્યો હતો. અધિકારીઓએ કહ્યું કે સેના, સીઆરપીએફ, એસએસબી અને જમ્મુ-કાશ્મીર પોલીસે બિખેરયાન ગામમાં સંયુક્ત દરોડા અને સર્ચ ઓપરેશન હાથ ધર્યું હતું.
આ પણ વાંચો : મહારાષ્ટ્રમાં કોરોના બોમ્બ, એક દિવસનો સૌથી વધુ આંકડો નોંધાતા ફરીથી લોકડાઉન અંગે CM ઉદ્ધવે આપી ચેતવણી