કોંગ્રેસના વરિષ્ઠ નેતા પી ચિદમ્બરમે રવિવારે કહ્યું હતું કે કોંગ્રેસ જ એ “ધ્રુવ” બનવા માટે શ્રેષ્ઠ સ્થિતિમાં છે જેની આસપાસ 2024ની સામાન્ય ચૂંટણીઓ માટે ભાજપ વિરોધી મોરચો બનાવી શકાય છે. ચિદમ્બરમે એમ પણ કહ્યું કે આમ આદમી પાર્ટી હરિયાણા અને પંજાબ સિવાય દિલ્હીની બહાર બહુ લોકપ્રિય નથી.
પૂર્વ કેન્દ્રીય મંત્રીએ કહ્યું કે કોંગ્રેસે ગુજરાતમાં હારમાંથી પાઠ શીખવો જોઈએ. તેમણે કહ્યું કે ચુસ્તપણે લડાયેલી ચૂંટણીમાં “મૌન” ચૂંટણી પ્રચાર જેવી કોઈ વસ્તુ નથી.
કોંગ્રેસના નેતાએ એક ઈન્ટરવ્યુ દરમિયાન કહ્યું હતું કે ‘આપ’ એ ગોવા અને ઉત્તરાખંડની જેમ ગુજરાતમાં પણ રમત બગાડી હતી. ગુજરાત અને હિમાચલ પ્રદેશ એસેમ્બલી અને દિલ્હી મ્યુનિસિપલ કોર્પોરેશન (એમસીડી) ની તાજેતરની ચૂંટણીઓનો ઉલ્લેખ કરતા તેમણે કહ્યું કે વડાપ્રધાન નરેન્દ્ર મોદીએ એ હકીકત પર વિચાર કરવો જોઈએ કે ભાજપ ત્રણેયમાં સત્તામાં હતો, પરંતુ બેમાં હારી ગયા.
પૂર્વ કેન્દ્રીય મંત્રીએ કહ્યું, “આ ભાજપ માટે મોટો ફટકો છે. ગુજરાતમાં જીત મહત્ત્વની છે, પરંતુ તે હકીકતને છુપાવી શકતી નથી કે સત્તાધારી ભાજપને હિમાચલ પ્રદેશ અને MCDમાં નિર્ણાયક હારનો સામનો કરવો પડ્યો હતો. તેમણે કહ્યું કે હિમાચલમાં કોંગ્રેસ અને MCDમાં AAP મોટા માર્જિનથી જીત્યા મેળવી છે.
આ પણ વાંચો: ગમ અને ખુશી… હાર બાદ રોનાલ્ડો રડી પડ્યો, મોરક્કન ખેલાડીએ માતા સાથે કર્યો ડાન્સ
આ પણ વાંચો:પીએમ મોદીએ વંદે ભારત એક્સપ્રેસને બતાવી લીલી ઝંડી, મેટ્રો ટ્રેનમાં સવારી કરવા માટે પોતે ટિકિટ ખરીદી
આ પણ વાંચો:11 ડિસેમ્બર 2022નું રાશિ ભવિષ્ય, જાણો કેવો રહેશે તમારો આજનો દિવસ…
