‘બમ બમ બમ બમ્બઈ..બમ્બઈ હમકો જમ ગઇ.. આ ગીત લગભગ બોલીવુડના મોટાભાગના કલાકારોને બંધ બેસતુ છે. જેમાંથી અનેક સ્ટાર્સ એવા છે જે આજે પણ લોકોના દિલ પર રાજ કરે છે. પરંતુ શું તમે જાણો છો આ કલાકારો કોઇને કોઈ કારણસર પાકિસ્તાન સાથે જોડાયેલા છે. અથવા એમ પણ કહી શકાય કે પાકિસ્તાન સાથે તેમનો સબંધ છે. છતા પણ આ બધાનું દિલ હિન્દુસ્તાની છે.
પૃથ્વીરાજ કપૂર
ફિલ્મ ઈન્ડસ્ટ્રીના સૌથી જૂના પરિવારની વાત કરીએ તો સૌથી પહેલા કપૂર પરિવારનું નામ આવે છે. કપૂર પરિવારના વડા એટલે કે પૃથ્વીરાજ કપૂર વિશે વાત કરીએ તો તેમનો જન્મ 1906માં ફૈસલાબાદ (હાલનું પાકિસ્તાન)માં થયો હતો. જ્યારે પૃથ્વીરાજ કપૂરે ફિલ્મ ઈન્ડસ્ટ્રીમાં પોતાનું નસીબ અજમાવ્યું ત્યારે તારે કિસ્મતે તેમનો સાથ આપ્યો અને ટૂંક સમયમાં જ બોલિવૂડમાં તેમની ઓળખ બની ગઈ. આજે, ઘણી પેઢીઓ કપૂર પરિવાર વિશે જાણે છે અને તેમાંથી મોટા ભાગના લોકો કોઈને કોઈ રીતે ફિલ્મ ઈન્ડસ્ટ્રી સાથે જોડાયેલા છે. આ સિવાય જો પૃથ્વીરાજના પુત્ર રાજ કપૂરના જન્મની વાત કરીએ તો તેમનો જન્મ પેશાવરમાં થયો હતો.
દિલીપ કુમાર
બોલિવૂડના ટ્રેજેડી કિંગ દિલીપ કુમારનો જન્મ પણ 1922માં પેશાવરમાં થયો હતો. આ સિવાય ઘણા એવા સુપરસ્ટાર છે જેઓ પાકિસ્તાન (તત્કાલીન ભારત) માં જન્મ્યા હતા, પરંતુ તે બધા બોમ્બે આવીને અહીં સ્થાયી થયા હતા.
મનોજ કુમાર
મનોજ કુમારનો જન્મ એબોટાબાદમાં થયો હતો. એબોટાબાદ એ જ જગ્યા છે જ્યાં અમેરિકાએ આતંકવાદી નેતા ઓસામા બિન લાદેનને માર્યો હતો.
સુનીલ દત્ત
સંજય દત્તના પિતા સુનીલ દત્તનો જન્મ પણ પાકિસ્તાનમાં થયો હતો. ફિલ્મ નિર્માતા અને અભિનેતા સુનીલ દત્તનો જન્મ 1929માં જેલમમાં થયો હતો. પરંતુ વિભાજન બાદ તેમને પોતાની જમીન અને મિલકત છોડીને ભારત આવવું પડ્યું હતું. સુનીલ દત્તને શરૂઆતથી જ ભારત પ્રત્યે પ્રેમ હતો અને આ જ વાત તેમની ઘણી ફિલ્મોમાં પણ જોવા મળી હતી.
રાજેશ ખન્ના
બોલિવૂડ એક્ટર રાજેશ ખન્નાનો જન્મ પાકિસ્તાનમાં થયો હતો. રાજેશ પાંચ વર્ષની ઉંમર સુધી પાકિસ્તાનમાં રહ્યા હતા. જે બાદ તેમનો આખો પરિવાર પાકિસ્તાન છોડીને ભારતમાં સ્થાયી થયો હતો. રાજેશ ખન્નાનું ઘર ફૈસલાબાદ પાસે બરવાલામાં છે.
અમિતાભ બચ્ચન
બોલિવૂડના બાદશાહ, અમિતાભ બચ્ચન પણ એક યા બીજી રીતે પાકિસ્તાનના જ છે. હકીકતમાં અમિતાભ બચ્ચનની માતા તેજા બચ્ચનનો જન્મ પંજાબના લાયલપુરમાં થયો હતો, જે હવે ફૈસલાબાદ (પાકિસ્તાન) તરીકે ઓળખાય છે. તેજી બચ્ચનના પિતાનું નામ સરદાર ખજન સિંહ હતું.
ગોવિંદા
બોલિવૂડમાં પોતાની શાનદાર એક્ટિંગ અને ડાન્સિંગથી પોતાની ઓળખ બનાવનાર ગોવિંદા પણ પાકિસ્તાનના જ છે. ગોવિંદાના પિતા અને બોલિવૂડ એક્ટર અરુણ કુમાર આહુજાનો જન્મ પાકિસ્તાનમાં થયો હતો. ભાગલા પછી તેમનો આખો પરિવાર ભારતમાં સ્થાયી થયો.
બીઆર ચોપરા
પ્રખ્યાત ફિલ્મ નિર્માતા બીઆર ચોપરા અને તેમના ભાઈ યશ ચોપરા પણ પાકિસ્તાનથી ભારત આવેલા લોકોમાંથી એક છે. બીઆર ચોપરા, યશ ચોપરા અને ધરમ ચોપરાનો જન્મ લાહોરમાં થયો હતો. સૌથી મહત્વની વાત એ છે કે આ ત્રણેય ભાઈઓએ ફિલ્મ ઈન્ડસ્ટ્રીમાં સાથે કામ કરવાનું શરૂ કર્યું હતું. આ ત્રણેય ફિલ્મ જગતના સફળ વ્યક્તિત્વ બની ગયા.
શાહરૂખ ખાન
બોલિવૂડ બાદશાહ ખાન શાહરૂખને કોઇ ઓળખાણની જરૂર નથી. તેમનો પરિવાર પણ પાકિસ્તાનનો છે. શાહરૂખ ખાનનું દિલ હંમેશા હિન્દુસ્તાની રહ્યું છે. શાહરૂખ ખાનના પિતા મીર તાજ મોહમ્મદ ખાનનો જન્મ પાકિસ્તાનના પેશાવરમાં થયો હતો. ‘ભારત છોડો’ આંદોલનમાં ભાગ લેનારા લોકોના નામોમાં શાહરૂખના પિતાનું નામ સામેલ છે. ભારત પ્રત્યેનો તેમનો લગાવ એટલો વધી ગયો હતો કે ભાગલા વખતે તેઓ પેશાવરને બદલે દિલ્હીમાં રહેવા લાગ્યા હતા. આખું બોલિવૂડ તેમના મહિલાઓના સન્માનની વાત કરે છે. તેમને મહિલાઓ માટે ઘણું સન્માન છે અને તેમની મોટાભાગની ફિલ્મો રોમેન્ટિક છે, તેથી જ તેને રોમેન્ટિક હીરોનું બિરુદ પણ મળ્યું છે.
રામાનંદ સાગર
રામાનંદ સાગરનું સાચું નામ ચંદ્રમૌલી ચોપરા છે. ભારતને આઝાદી મળ્યાના થોડા દિવસો બાદ જ તેઓ ફાઈટર પ્લેનમાં ભારત આવ્યા હતા. આ મામલો 28 ઓગસ્ટ 1947નો છે, જ્યારે કાશ્મીર પર પાકિસ્તાની સેનાનો ઘેરો વધી ગયો હતો. તત્કાલીન રાજા હરિ સિંહના કહેવા પર દિલ્હીથી ત્રણ લડાકુ જહાજો મોકલવામાં આવ્યા હતા. આ પ્લેનમાંથી કેટલાક લોકોને ભારત લાવવામાં આવ્યા હતા. જેમાંથી એક રામાનંદ સાગર હતા.
રોશન પરિવાર
પ્રખ્યાત સંગીતકાર રોશનનો જન્મ 1917માં ગુજરાનવાલામાં થયો હતો. રોશન બીજું કોઈ નહીં પણ હૃતિક રોશનના દાદા અને રાકેશ રોશનના પિતા હતા.
અન્ય બોલિવૂડ સ્ટાર્સ
પ્રખ્યાત ગાયક અને કવિ સાહિર લુધિયાનવીનો જન્મ 1943માં લાહોરમાં થયો હતો. આ સિવાય ફિલ્મ નિર્માતા શેખર કપૂર પણ લાહોરના શરણાર્થી છે. આ સિવાય વિનોદ ખન્નાનો જન્મ 1946માં પેશાવરમાં થયો હતો. પ્રેમ ચોપરાનો જન્મ 1935માં લાહોરમાં થયો હતો. રાજેન્દ્ર કુમારનો જન્મ 1929માં સિયાલકોટ (પાકિસ્તાન)માં થયો હતો.
આમ બોલીવુડ અને પાકિસ્તાનનું કનેક્શ દાયકાઓ જુનુ છે, પરંતુ ત્યાંથી અહિં આવીને વસેલા બોલીવુડ કલાકારોએ ફરીને ક્યારેય પાકિસ્તાન તરફ જોયુ નથી. તેમના દિલમાં તો હંમેશા હિન્દુસ્તાન જ રહ્યું છે.
