15 માર્ચ સુધીમાં તમારું Paytm ફાસ્ટેગ બદલો, નહીં તો ડબલ ટોલ ટેક્સ ભરો, NHAIએ જારી એડવાઈઝરી

Paytm Fastag Alert/ 15 માર્ચ સુધીમાં તમારું Paytm ફાસ્ટેગ બદલો, નહીં તો ડબલ ટોલ ટેક્સ ભરો, NHAIએ જારી એડવાઈઝરી

આરબીઆઈ દ્વારા આપવામાં આવેલ મોરેટોરિયમ બે દિવસ પછી સમાપ્ત થશે. 15 માર્ચ પછી પેટીએમ પેમેન્ટ બેંક અને પેટીએમ ફાસ્ટેગની સેવાઓ બંધ થઈ જશે. NHAI એ Paytm ફાસ્ટેગને લઈને એડવાઈઝરી જારી કરી છે. NHAIએ લોકોને તેમના Paytm ફાસ્ટેગ બદલવા માટે કહ્યું છે.

નેશનલ હાઈવે ઓથોરિટી ઓફ ઈન્ડિયા (NHAI) એ Paytm ફાસ્ટેગ યુઝર્સને નવું ફાસ્ટેગ લેવાની સલાહ આપી છે. NHAI કહે છે કે તમારી મુસાફરીમાં સુધારો કરવા અને ટોલ પ્લાઝા પર અસુવિધા ટાળવા માટે, 15 માર્ચ પહેલા અન્ય કોઈપણ બેંકમાંથી નવું ફાસ્ટેગ ખરીદો.

બુધવારે (13 માર્ચ 2024) જારી કરાયેલા એક સત્તાવાર નિવેદનમાં કહેવામાં આવ્યું છે કે આનાથી મુસાફરો રાષ્ટ્રીય ધોરીમાર્ગો પર મુસાફરી કરતી વખતે દંડ અથવા ડબલ ચાર્જથી બચી શકશે.

નિવેદનમાં કહેવામાં આવ્યું છે કે Paytm પેમેન્ટ્સ બેંક સંબંધિત પ્રતિબંધો પર ભારતીય રિઝર્વ બેંક (RBI)ની માર્ગદર્શિકાને અનુસરીને, Paytm Fastag વપરાશકર્તાઓ 15 માર્ચ પછી ટોપ-અપ અથવા રિચાર્જ કરી શકશે નહીં. NHAI અનુસાર, યૂઝર્સને 15 માર્ચ, 2024 પછી રિચાર્જ કરવાનો કે તેમના બેલેન્સને ટોપ-અપ કરવાનો વિકલ્પ મળશે નહીં. જોકે, NHAIનું કહેવું છે કે 15 માર્ચ પછી પણ તેઓ ફાસ્ટેગમાં બાકીના પૈસાથી ટોલ પેમેન્ટ કરી શકશે.

NHAIએ Paytm Fastag વપરાશકર્તાઓને તેમની સંબંધિત બેંકોનો સંપર્ક કરવા અથવા IHMCL (ઇન્ડિયન હાઇવે મેનેજમેન્ટ કંપની લિમિટેડ) ની વેબસાઇટ પર આપવામાં આવેલા FAQ નો સંદર્ભ લેવાની સલાહ પણ આપી છે.

Which banks are included in FASTag list?