ઈરાનથી એક ભયાનક વીડિયો વાયરલ થયો છે, જેમાં એક વ્યક્તિ તેની પત્નીનું કપાયેલું માથું લઈને રસ્તા પર ફરતો જોવા મળે છે. આ વીડિયો જોઈને બધાના દિલ હચમચી ગયા. એવું કહેવામાં આવી રહ્યું છે કે વ્યક્તિએ તેની પત્નીની હત્યા એટલા માટે કરી કારણ કે તેના કોઈની સાથે આડા સંબંધ હતા. ઈરાનની સમાચાર એજન્સી ISNA અનુસાર, પોલીસને શંકા છે કે ઈરાનના દક્ષિણ પશ્ચિમ શહેર અહવાઝમાં 17 વર્ષની મોના હૈદરીની તેના પતિ અને તેના સાળાએ હત્યા કરી નાખી છે.
આ પણ વાંચો :Johnson & Johnson એ કોરોના રસીનું ઉત્પાદન બંધ કર્યું, વિકાસશીલ દેશોમાં રસીની સૌથી વધુ માંગ
સ્થાનિક પોલીસનું કહેવું છે કે આ કેસમાં બે આરોપીઓની ધરપકડ કરવામાં આવી છે. બંનેની પૂછપરછ કરવામાં આવી રહી છે. ઈરાનના અખબારો અને સોશિયલ મીડિયા પર આ વીડિયો વાયરલ થયા બાદ લોકોમાં આરોપીઓ વિરુદ્ધ ગુસ્સાનું વાતાવરણ છે. ઈરાનમાં સુધારાવાદી મેગેઝીન ડેઈલી સજંદગીએ કહ્યું કે એક મહિલાનું માથું કાપી નાખવામાં આવ્યું, તેનું માથું શેરીમાં ખુલ્લું મુકવામાં આવ્યું અને હત્યારાને તેના કૃત્યથી શરમ નથી આવી.આવો ગુનો આપણે કેવી રીતે સ્વીકારી શકીએ. મહિલાની આવી હત્યા ફરી ન થવી જોઈએ. આ માટે સરકારે કડક પગલાં ભરવા જોઈએ.
ઈરાનની જાણીતી ફિલ્મ નિર્માતા તહમિનેહ મિલાનીએ ઈન્સ્ટાગ્રામ પર લખ્યું, “મોના એક ગંભીર સમસ્યાને અવગણવાનો શિકાર બની ગઈ. આ ગુના માટે આપણે બધા જવાબદાર છીએ. મોના હૈદરીની હત્યા બાદ સુધારાવાદી વકીલોને કોલ કરવાની સંખ્યામાં વધારો થયો છે. ઈરાનમાં ઘરેલુ હિંસાથી પરેશાન મહિલાઓ પોતાનો અવાજ ઉઠાવી રહી છે.
આ ઘટના બાદ સમગ્ર ઈરાનમાં હોબાળો મચી ગયો છે. તમામ લોકો આરોપીઓ સામે કડકમાં કડક સજાની માંગ કરી રહ્યા છે. ઈરાનમાં મોના હૈદરીની હત્યા બાદ છોકરીઓ માટે લગ્નની કાયદેસર ઉંમર વધારવાની માંગ પણ થઈ રહી છે. હાલમાં, ઈરાનમાં 13 વર્ષની ઉંમર કાયદેસર રીતે નિર્ધારિત છે. ઈરાની મીડિયા અનુસાર, મોના હૈદરીના લગ્ન માત્ર 12 વર્ષની ઉંમરે થયા હતા. જ્યારે તેની હત્યા કરવામાં આવી ત્યારે તેને ત્રણ વર્ષનો પુત્ર પણ હતો.
આ પણ વાંચો :કોરોનાનાં નવા વેરિઅન્ટ ઓમિક્રોનનાં આવ્યા બાદ 5 લાખ લોકોનાં થયા મોત
આ પણ વાંચો :રાષ્ટ્રપતિ જો બિડેને તાઇવાન સાથે યુએસ $ 100 મિલિયન મિસાઇલ ડીલને આપી મંજૂરી
આ પણ વાંચો :દુનિયાના એવા દેશો જ્યાં હિજાબ ઉપર છે પ્રતિબંધ, છતાંય વસે છે મુસ્લિમ
આ પણ વાંચો :અમેરિકી રાષ્ટ્રપતિએ અમેરિકનોને વહેલી તકે યુક્રેન છોડવા કહ્યું, જાણો કેમ ?
