વડાપ્રધાન નરેન્દ્ર મોદીના અમેરિકા પ્રવાસનો Modi-Biden gift આજે બીજો દિવસ છે. PM મોદી ન્યૂયોર્કથી વોશિંગ્ટન પહોંચ્યા જ્યાં રાષ્ટ્રપતિ જો બિડેન અને ફર્સ્ટ લેડી જીલ બિડેને વ્હાઇટ હાઉસમાં તેમનું ઉષ્માભર્યું સ્વાગત કર્યું. આ દરમિયાન બંને નેતાઓ દ્વારા એકબીજાને ખાસ ભેટ પણ આપવામાં આવી હતી. વડાપ્રધાન નરેન્દ્ર મોદીએ રાષ્ટ્રપતિ બિડેનને જયપુરના એક કારીગર દ્વારા બનાવેલ ખાસ ચંદનનું બોક્સ અર્પણ કર્યું. આ બોક્સ મૈસુર ચંદનનું બનેલું છે. તેના પર વનસ્પતિ અને પ્રાણીસૃષ્ટિ કોતરવામાં આવી છે.
ભગવાન ગણેશની મૂર્તિ
આ બોક્સમાં ભગવાન ગણેશની મૂર્તિ છે. ગણેશને Modi-Biden gift વિઘ્નોનો નાશ કરનાર માનવામાં આવે છે અને તમામ દેવતાઓમાં તેમની પ્રથમ પૂજા કરવામાં આવે છે. દરેક શુભ પ્રસંગની શરૂઆત ભગવાન ગણેશની પ્રાર્થનાથી થાય છે. ભગવાન ગણેશની આ ચાંદીની મૂર્તિ કોલકાતાના ચાંદીના કારીગરોના પરિવાર દ્વારા બનાવવામાં આવી છે. આ સાથે આ બોક્સમાં ચાંદીનો દીવો પણ છે. આ પણ કોલકાતાના ચાંદીના કારીગરો દ્વારા બનાવવામાં આવ્યું છે. આ સિવાય એક તાંબાની પ્લેટ પણ છે જેના પર શ્લોક લખાયેલો છે. પ્રાચીન સમયમાં લખવા અને રેકોર્ડ રાખવા માટે તાંબાની પ્લેટનો વ્યાપક ઉપયોગ થતો હતો.
દસ દાન
આ સાથે બોક્સમાં નાની નાની પેટીઓમાં Modi-Biden gift દસ દાન છે. ગૌદાન (ગાયનું દાન) માટે પશ્ચિમ બંગાળના કુશળ કારીગરો દ્વારા ગાયની જગ્યાએ નાજુક હાથથી બનાવેલું ચાંદીનું નાળિયેર આપવામાં આવ્યું છે. મૈસૂર, કર્ણાટકમાંથી મેળવેલ ચંદનનો સુગંધિત ટુકડો ભૂદાન (જમીનનું દાન) માટે જમીનની જગ્યાએ આપવામાં આવે છે. તમિલનાડુથી લાવેલા તલ અથવા સફેદ તલ તિલદાન (તલના બીજનું દાન) માટે આપવામાં આવે છે. રાજસ્થાનમાં હિરણ્યદાન (સોનાનું દાન) માટે હાથથી બનાવેલ સોનાનો સિક્કો આપવામાં આવે છે. ગોળ દાન માટે મહારાષ્ટ્રમાંથી ગોળ આપવામાં આવ્યો છે જ્યારે ઝારખંડમાંથી મેળવેલ રેશમ વસ્ત્રદાન (કપડાંનું દાન) માટે આપવામાં આવ્યું છે. સાથે જ પંજાબનું ઘી અને ઉત્તરાખંડમાંથી ચોખા પણ આપવામાં આવ્યા છે. આ બોક્સમાં રાજસ્થાનના કારીગરો દ્વારા બનાવવામાં આવેલ 99.5% શુદ્ધ અને હોલમાર્ક ચાંદીનો સિક્કો પણ છે. તે રૌપ્યદાન (ચાંદીનું દાન) તરીકે આપવામાં આવે છે. લવંદન (મીઠું દાન) માટે ગુજરાતમાંથી મીઠું અર્પણ કરવામાં આવ્યું છે.
ધ ટેન પ્રિન્સિપલ ઉપનિષદ
પીએમ મોદીએ રાષ્ટ્રપતિ બિડેનને આઇરિશ Modi-Biden gift કવિ વિલિયમ બટલર યેટ્સ દ્વારા ભારતીય ઉપનિષદોના અંગ્રેજી અનુવાદનું પુસ્તક ‘ધ ટેન પ્રિન્સિપલ ઉપનિષદો’ પણ અર્પણ કર્યું હતું. આ પુસ્તકના અનુવાદ માટે ડબલ્યુ.બી. યેટ્સે પુરોહિત સ્વામી સાથે સહયોગ કર્યો હતો. આ કામ 1937 માં પૂર્ણ થયું હતું અને તે યેટ્સના છેલ્લા કાર્યોમાંનું એક હતું. તે લંડનના મેસર્સ ફેબર એન્ડ ફેબર લિમિટેડ દ્વારા પ્રકાશિત કરવામાં આવ્યું હતું. રાષ્ટ્રપતિ બિડેનને યેટ્સની કવિતાઓ ખૂબ જ પસંદ છે અને તેમણે તેમના સંબોધનમાં ઘણી વખત તેમની કવિતાઓનો ઉલ્લેખ કર્યો છે.
આ પણ વાંચોઃ નિવેદન/ NCPના દિગ્ગજ નેતા અજિત પવારે વિપક્ષની બેઠક પહેલા શરદ પવારને લઇને આપ્યું મોટું નિવેદન,જાણો શું કહ્યું….
આ પણ વાંચોઃ SAFF Cup/ ભારતે ફૂટબોલના SAFF કપમાં પાકિસ્તાનને 4-0થી હરાવ્યું
આ પણ વાંચોઃ બેઠક/ મણિપુર હિંસા મામલે અમિત શાહે 24 જૂને બોલાવી સર્વપક્ષીય બેઠક
આ પણ વાંચોઃ Aesia Cup/ ભારતીય ટીમે વિદેશી ધરતી પર રચ્યો ઈતિહાસ,બાંગ્લાદેશને હરાવી એશિયા કપ જીત્યો
આ પણ વાંચોઃ હોટલમાં ઝડપાયા/ ગુજરાતના ધારાસભ્ય યુવતી સાથે હોટલમાં રંગરેલિયા મનાવતા રંગેહાથે પકડાયા, પતિની એન્ટ્રી થતા MLAએ ભાગવું પડ્યું….
