કેન્દ્ર સરકારે કવિ અને આમ આદમી પાર્ટીના પૂર્વ નેતા કુમાર વિશ્વાસ ની સુરક્ષા વધારવાનો નિર્ણય લીધો છે. તેમની સુરક્ષા Y કેટેગરીથી વધારીને Y+ કરવામાં આવી છે. હવે તેમને દેશભરમાં Y+ શ્રેણીની સુરક્ષા મળશે. સુત્રોના જણાવ્યા અનુસાર ઈન્ટેલિજન્સ બ્યુરોના રિપોર્ટના આધારે ગૃહ મંત્રાલયે તેમની સુરક્ષા વધારી દીધી છે.
કુમાર વિશ્વાસ ને MHA દ્વારા અત્યાર સુધી Y શ્રેણીની સુરક્ષા આપવામાં આવી હતી. Y+ શ્રેણીની સુરક્ષા મળ્યા બાદ CRPF કમાન્ડો તેમની સાથે રહેશે. કુમાર વિશ્વાસની સાથે આર્મ્ડ પોલીસના 11 કમાન્ડો પણ તૈનાત રહેશે. જેમાં 5 સ્ટેટિક પોલીસ કર્મચારીઓ તેમના ઘરની અંદર અને તેની આસપાસ સુરક્ષા માટે રહેશે. આ સાથે, 6 PSO 3 શિફ્ટમાં તેમની સુરક્ષા કરશે.
સીએમ કેજરીવાલ પર ગંભીર આરોપો લગાવવામાં આવ્યા હતા
પંજાબની ચૂંટણી દરમિયાન કુમાર વિશ્વાસે દિલ્હીના મુખ્યમંત્રી અરવિંદ કેજરીવાલ પર ગંભીર આરોપ લગાવ્યા હતા. તેમણે કેજરીવાલ પર ખાલિસ્તાનીઓને સમર્થન કરવાનો આરોપ લગાવ્યો હતો. વિવાદ વધ્યા બાદ કેન્દ્ર સરકારે કુમાર વિશ્વાસની સુરક્ષાની સમીક્ષા કરી હતી. આ પછી તેને વાય કેટેગરીની સુરક્ષા આપવાનો નિર્ણય લેવામાં આવ્યો હતો.
દિલ્હીના મુખ્યમંત્રીએ પણ વળતો પ્રહાર કર્યો હતો
કુમાર વિશ્વાસના આરોપ પર અરવિંદ કેજરીવાલે પણ નિવેદન આપ્યું હતું. તેમણે નામ લીધા વિના કહ્યું હતું કે ગાઝિયાબાદમાં એક કવિ છે જેણે કેજરીવાલને આતંકવાદી કહ્યા છે. તેમણે ટોણો માર્યો અને કહ્યું કે મોદીજી, બધી એજન્સીઓ હટાવી દો અને એ કવિને રાખો. હવે એ કવિઓ જ કહેશે કે આતંકવાદી કોણ છે. અરવિંદ કેજરીવાલે કહ્યું હતું કે હું એ આતંકવાદી છું જેનાથી ભ્રષ્ટાચારીઓ ડરે છે.
શ્રીલંકા કટોકટી / ‘ચીને શ્રીલંકાને મદદ નથી કરી, હું ભારતનો આભારી છું’, રાષ્ટ્રપતિની રેસમાં આગળ રહેલા સજીથ પ્રેમદાસા
