પંજાબના મંત્રીઓનો શપથ 19 માર્ચે સવારે 11 વાગ્યે યોજાશે. મંત્રીઓના શપથ લીધા બાદ ભગવંત માનની કેબિનેટની પ્રથમ બેઠક 12.30 વાગ્યે પંજાબ સચિવાલયમાં યોજાશે. સુત્રો પાસેથી મળતી માહિતી મુજબ હાલ 17 મંત્રીઓમાંથી 10 મંત્રીઓના શપથ લેવાનો મામલો સામે આવી રહ્યો છે.
આ પણ વાંચો:ચીનમાં ફરી કોરોના કેસ વધતા ચિંતા, કેન્દ્રીય સ્વાસ્થ્ય સચિવે આપ્યા આ નિર્દેશો
ભગવંત માને 16 માર્ચે શપથ લીધા હતા
આપને જણાવી દઈએ કે, 16 માર્ચ, બુધવારના રોજ, AAP નેતા ભગવંત માને પંજાબના 17માં મુખ્યમંત્રી તરીકે શપથ લીધા. માનને પંજાબના ગવર્નર બનવારી લાલ પુરોહિત દ્વારા રાજ્યના SBS (શહીદ ભગત સિંહ) નગર જિલ્લામાં શહીદ ભગત સિંહના મૂળ ગામ ખટકર કલાન ખાતે આયોજિત સમારોહમાં પદ અને ગુપ્તતાના શપથ લેવડાવ્યા હતા. જે બાદ આમ આદમી પાર્ટીએ ત્યાં ત્રણ દિવસનું વિધાનસભા સત્ર બોલાવ્યું હતું.
બુધવારે શપથ ગ્રહણ સમારોહમાં આમ આદમી પાર્ટીના નવા ચૂંટાયેલા ધારાસભ્યો, દિલ્હીના મુખ્ય પ્રધાન અને AAPના રાષ્ટ્રીય સંયોજક અરવિંદ કેજરીવાલ, દિલ્હીના નાયબ મુખ્ય પ્રધાન મનીષ સિસોદિયા, દિલ્હી સરકારના પ્રધાન સત્યેન્દ્ર જૈન અને અન્ય હાજર હતા. બધાએ પીળી પાઘડી પહેરેલી હતી.
મુખ્ય પ્રધાન બન્યા પછીના તેમના પ્રથમ ભાષણમાં, માનએ રાજ્યના લોકોને ખાતરી આપી હતી કે પંજાબમાં તેમની પાર્ટીની સરકાર બેરોજગારી, ભ્રષ્ટાચાર અને ખેડૂતોની દુર્દશા જેવા મુદ્દાઓને ઉકેલવા માટે કામ કરશે. માને કહ્યું કે આજથી જ કામ શરૂ થઈ જશે. અમે એક પણ દિવસ બગાડશું નહીં. અમે પહેલેથી જ 70 વર્ષ મોડા છીએ.
માને વચન આપ્યું હતું કે રાજ્યમાં સરકારી શાળાઓ અને હોસ્પિટલોની હાલત દિલ્હીમાં AAP સરકારની જેમ સુધારવામાં આવશે. તેમણે કહ્યું કે જે રીતે વિદેશથી લોકો દિલ્હીમાં સારી શાળાઓ અને હોસ્પિટલો જોવા આવે છે તે જ રીતે તેઓ પંજાબમાં પણ આવશે. તેમણે પંજાબના યુવાનોના સારા ભવિષ્ય માટે અન્ય દેશોમાં સ્થળાંતર કરવાના મુદ્દાનો પણ ઉલ્લેખ કર્યો.
આ પણ વાંચો:અમેરિકાના વિદેશ મંત્રી બ્લિંકને કહ્યું, યુક્રેનને મદદ ચાલુ રાખશે, રશિયા અને ચીનને ધમકી
આ પણ વાંચો:દેશભરમાં કોરોનાવાયરસના 2,528 નવા કેસ, 149 લોકોના મોત થયા
