કર્ણાટકમાં ભારત જોડો યાત્રા દરમિયાન કોંગ્રેસ નેતા રાહુલ ગાંધી પાણીની ટાંકી પર જોવા મળે છે. તેમનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં જોઈ શકાય છે કે રાહુલ ગાંધી પાર્ટીના અન્ય મોટા નેતાઓ સાથે પાણીની ટાંકી પર ચડીને ત્રિરંગો લહેરાવી રહ્યા છે. વાસ્તવમાં આ વીડિયો કર્ણાટકના ચિત્રદુર્ગા જિલ્લાનો છે. કોંગ્રેસ નેતા રાહુલની આગેવાનીમાં પાર્ટીએ ગુરુવારે ચિત્રદુર્ગ જિલ્લાના બોમ્માગોંડાનહલ્લીથી કર્ણાટકના રામપુરા સુધી ‘ભારત જોડો યાત્રા’ ફરી શરૂ કરી. યાત્રાના સ્વાગત માટે સેંકડો લોકો એકઠા થયા હતા.
દરમિયાન રાહુલ ગાંધી રાજ્ય પાર્ટીના અધ્યક્ષ ડીકે શિવકુમાર અને પૂર્વ સીએમ સિદ્ધારમૈયા સાથે ચિત્રદુર્ગ જિલ્લામાં રાષ્ટ્રધ્વજ ફરકાવવા માટે પાણીની ટાંકી પર ચઢ્યા હતા. નીચે કોંગ્રેસના કાર્યકરો ‘જોડો જોડો, જોડો ભારત’ના નારા લગાવી રહ્યા હતા. લગભગ દસ મિનિટ ટાંકી પર રોકાયા બાદ તમામ નેતાઓ પાછા આવ્યા અને આગળની યાત્રા શરૂ કરી.
#WATCH | Karnataka: Congress MP Rahul Gandhi along with state party president DK Shivakumar and former CM Siddaramiah climbed a water tank to wave the national flag, in Chitradurga district during Bharat Joda Yatra. pic.twitter.com/yXfTHwO2Do
— ANI (@ANI) October 13, 2022
કોંગ્રેસના કાર્યકર્તાઓના જણાવ્યા અનુસાર, બોમ્માગોંડાનાહલ્લી ખાતે બીજે કેરે સબવેથી યાત્રા સવારે 6.30 વાગ્યે શરૂ થઈ હતી. રાહુલ ગાંધીએ 12 કિલોમીટર ચાલ્યા બાદ જિલ્લાના કોણાસાગર ખાતે આરામ કર્યો હતો. આ પછી કોણાસાગરથી સાંજે 4 વાગ્યે યાત્રા શરૂ થઈ અને મોલાકલમુરુ ખાતે આરામ માટે રોકાઈ. રાહુલ ગાંધીએ રામપુરામાં રાત્રિ રોકાણ કર્યું હતું. ‘ભારત જોડો યાત્રા’ 30 સપ્ટેમ્બરે કર્ણાટકમાં પ્રવેશી હતી. આ અંતર્ગત 20 ઓક્ટોબરે રાજ્યમાં યાત્રાના અંતિમ દિવસ સુધી 21 દિવસમાં 511 કિલોમીટરની પગપાળા યાત્રા કરવામાં આવશે.