કોંગ્રેસનાં પૂર્વ અધ્યક્ષ રાહુલ ગાંધીએ વડા પ્રધાન નરેન્દ્ર મોદીની એક્સરસાઇઝનો એક વીડિયો પોસ્ટ કરીને તેમની ઉપર તંજ કસ્યો છે. આ કસરતનાં વીડિયોની સાથે રાહુલ ગાંધીએ કહ્યું છે કે, ‘પ્રિય PM, કૃપા કરીને તમારી જાદુઈ કસરતનો નિયમિત થોડો સમય વધુ વખત અજમાવો. તમને ખબર નથી, તે અર્થવ્યવસ્થામાં જીવ લાવી શકે છે. ‘રાહુલ ગાંધીએ પોતાની ટ્વિટમાં હેશ ટેગ મોદીનિક્સ પણ લખ્યુ.
આપને જણાવી દઈએ કે, આ પહેલીવાર નથી જ્યારે રાહુલ ગાંધીએ પીએમ મોદી પર નિશાન સાધ્યું છે. સામાન્ય બજેટની રજૂઆતનાં કેટલાક દિવસો પહેલા રાહુલ ગાંધીએ દાવો કર્યો હતો કે આર્થિક વિકાસને વેગ આપવા માટે આગળ શું કરવું તે અંગે વડા પ્રધાન નરેન્દ્ર મોદી અને નાણાં પ્રધાન નિર્મલા સીતારમણ અજાણ છે. રાહુલ ગાંધીએ ટ્વીટ કર્યું હતું કે, મોદી અને તેમની આર્થિક સલાહકારોની તેમની ડ્રીમ ટીમે અર્થતંત્રમાં ચોક્કસ ફેરફાર કર્યો છે.
અગાઉ જીડીપી ગ્રોથ 7.5 ટકા અને ફુગાવા 3.5 ટકા હતો. હવે જીડીપી ગ્રોથ 3.5 ટકા અને મોંઘવારી દર 7.5 ટકા છે. તેમણે દાવો કર્યો, “વડા પ્રધાન અને નાણામંત્રી આગળ શું કરવું જોઈએ તે અંગે અસ્પષ્ટ છે”. બજેટ બાદ કોંગ્રેસનાં વરિષ્ઠ પ્રવક્તા આનંદ શર્માએ પણ ટ્વીટ કર્યું હતું કે, ‘નાણાં પ્રધાનનાં ખેડૂતોની આવક બમણી કરવાનો દાવો ખોખલો છે અને તથ્ય વાસ્તવિકતાથી ઘણુ દૂર છે. કૃષિ વિકાસ દર બે ટકા રહ્યો છે. આવક બમણી કરવા માટે કૃષિ વિકાસ દર 11 ટકા કરવો પડશે.’
વળી, કોંગ્રેસ નેતા રાહુલ ગાંધીએ મંગળવારે વડા પ્રધાન નરેન્દ્ર મોદી પર દેશની છબી બગાડવાનો આરોપ લગાવતા કહ્યું કે, વિદેશી કંપનીઓ આજે અહીં રોકાણ કરવાથી પોતાને હવે રોકી રહી છે. તેમણે વડા પ્રધાન મોદીને પડકાર આપ્યો કે તેઓ દેશની કોઈપણ યુનિવર્સિટીમાં જાય અને ત્યાંના વિદ્યાર્થીઓનાં સવાલોનો સામનો કરે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
