પોર્નોગ્રાફી ફિલ્મ બનાવવાના કેસમાં ફસાયેલા શિલ્પા શેટ્ટીના પતિ અને ઉદ્યોગપતિ રાજ કુંદ્રાને 14 દિવસની ન્યાયિક કસ્ટડીમાં મોકલી દેવામાં આવ્યો છે. 19 જુલાઈની મોડી રાત્રે ક્રાઇમ બ્રાંચે તેની ધરપકડ કરી હતી. જે બાદ 20 જુલાઈએ કોર્ટે તેને 3 દિવસની પોલીસ કસ્ટડીમાં મોકલી આપ્યો હતો. તે પછી 23 જુલાઈએ કોર્ટે ફરીથી રાજની કસ્ટડી પોલીસને આપી હતી.
આ પણ વાંચો :રાજ કુંદ્રા પર અમદાવાદના વેપારીએ લગાવ્યો છેતરપિંડીનો આરોપ, જાણો સમગ્ર મામલો
ક્રાઇમ બ્રાંચે કોર્ટને જણાવ્યું છે કે રાજના ઘરમાંથી ઘણા મહત્વના પુરાવા મળી આવ્યા છે. ઘણા ઇલેક્ટ્રોનિક પુરાવા જપ્ત કરવામાં આવ્યા છે. આ સંદર્ભે ફોરેન્સિક નિષ્ણાતની નિમણૂક કરવામાં આવી હતી. જેની મદદથી ડેટા પાછો મળી રહ્યો છે. રાજના ઘરેથી હાર્ડ ડિસ્ક અને મોબાઈલ મળી આવ્યો છે. જ્યારે આરોપીઓના હોટશોટ્સ આઇઓએસ પર બતાવવામાં આવી રહ્યા હતા ત્યારે તેમને એપ્પલ પાસેથી 1 કરોડ 13 લાખ 64,886 રૂપિયા મળ્યા હતા.જે બેંક ખાતામાં પૈસા જમા કરાયા હતા તે કોટક મહિન્દ્રા બેંક, યસ બેન્ક અને અન્ય બેંક ખાતાઓમાંથી જપ્ત કરવામાં આવી છે. હવે કેટલાક ફરાર આરોપીઓની શોધ ચાલુ છે.
આ પણ વાંચો :આર્થિક તંગીનો શિકાર થયો આ એક્ટર, દિકરીની School ફી ભરવા પણ નથી પૈસા
શું છે સમગ્ર મામલો?
પોલીસે 19 જુલાઈએ રાજ કુંદ્રાની ધરપકડ કર્યા બાદ 2 કલાક પૂછપરછ કરી હતી. રાજ પર અશ્લીલ ફિલ્મો બનાવવાનો અને તેને એપ્સ પર રિલીઝ કરવાનો આરોપ છે. પોલીસના જણાવ્યા મુજબ રાજ આ કેસમાં મુખ્ય આરોપી છે. રાજ ઉપરાંત ઘણા વધુ લોકોની પોલીસે ધરપકડ પણ કરી છે.
આ પણ વાંચો :શર્લિન ચોપરાએ પૂછપરછ પહેલા ખખડાવ્યો કોર્ટનો દરવાજો, શું છે ધરપકડ થવાનો ડર?
આપને જણાવી દઈએ કે આ સમગ્ર મામલે ફેબ્રુઆરી 2021 માં કેસ નોંધવામાં આવ્યો હતો. ત્યારબાદથી પોલીસ આ કેસમાં રોકાયેલ છે અને નજીકથી તપાસ કરી રહી છે.
આ પણ વાંચો :રાજકુંદ્રા બાદ બોલિવૂડના આ એક્ટરની સામે થઈ દુષ્કર્મની ફરિયાદ..
23 જુલાઈના રોજ ક્રાઇમ બ્રાંચે શિલ્પા અને રાજના ઘરે પણ દરોડા પાડ્યા હતા. તે દરમિયાન શિલ્પા શેટ્ટીની લગભગ 6 કલાક ઘરે પૂછપરછ કરવામાં આવી હતી. રાજ કુંદ્રાની ધરપકડ થઈ ત્યારથી રોજ આ કેસમાં નવા નવા ખુલાસા થઈ રહ્યા છે.
જો અહેવાલોનું માનવામાં આવે તો, આ મામલે શિલ્પા શેટ્ટીની મુશ્કેલીઓ વધી શકે છે. રાજ બાદ તેની પત્ની શિલ્પા હવે પોલીસ રડાર પર છે.
