દેશમાં દિવસેને દિવસે મોંઘવારી વધી રહી છે. ત્યારે કોંગ્રેસના નેતા રાહુલ ગાંધીએ આજે તેલની કિંમતોમાં વધારાને લઈને કેન્દ્ર સરકાર પર નિશાન સાધ્યું હતું. તેણે પોતાના ટ્વિટર એકાઉન્ટ પર એક તસવીર શેર કરી છે, જેમાં 2014માં ભારતીય જનતા પાર્ટી (BJP) સત્તામાં આવ્યા બાદ તેલની કિંમતોમાં થયેલા વધારાનો ઉલ્લેખ છે. તેના કેપ્શનમાં રાહુલે લખ્યું છે કે, આ વડાપ્રધાનની જન ધન લૂંટ યોજના છે.
આ પણ વાંચો:લાલુ પ્રસાદ યાદવની જામીન પર લટકી તલવાર, સુનવણી માટે સુપ્રીમ કોર્ટ તૈયાર
રાહુલ ગાંધીએ 2014 પહેલાના તેલના ભાવ અને વર્તમાન તેલના ભાવ વચ્ચે પણ સરખામણી કરી છે. રાહુલે શેર કરેલી તસવીરમાં જણાવવામાં આવ્યું છે કે, મે 2014 પહેલા બાઇક અથવા સ્કૂટરની ટાંકી ભરવા માટે 714 રૂપિયાનો ખર્ચ થતો હતો અને હવે 1014 રૂપિયાનો ખર્ચ થઈ રહ્યો છે.
તેમણે અહીં કારની ટાંકી ભરવાની કિંમતનો પણ ઉલ્લેખ કર્યો છે. તેમણે કહ્યું કે, પહેલા કારની ટાંકી ભરવા માટે 2856 રૂપિયા ખર્ચાતા હતા, જ્યારે હવે તે જ કામ કરવા માટે 4152 રૂપિયા ખર્ચવામાં આવી રહ્યા છે. રાહુલે અહીં ટ્રેક્ટર અને ટ્રકની ટાંકી ભરવાના ખર્ચ વિશે જણાવ્યું. તેમણે જણાવ્યું કે અગાઉ ટ્રેક્ટર અને ટ્રકની ટાંકી ભરવાનો ખર્ચ અનુક્રમે રૂ. 2749 અને 11456 હતો જે હવે વધીને 4563 અને 19014 થયો છે.
કોંગ્રેસની દિલ્હી યુનિટે રવિવારે પૂર્વ દિલ્હીના ત્રિલોકપુરી વિસ્તારમાં ઈંધણ અને ગેસના ભાવમાં સતત વધારાને લઈને ભારતીય જનતા પાર્ટીના નેતૃત્વવાળી કેન્દ્ર સરકાર વિરુદ્ધ વિરોધ પ્રદર્શન કર્યું હતું. વિરોધ પક્ષના ‘ડીયરનેસ ફ્રી ઈન્ડિયા’ અભિયાનનો એક ભાગ હતો અને તેનું નેતૃત્વ દિલ્હી પ્રદેશ કોંગ્રેસ સમિતિના પ્રમુખ ચૌધરી અનિલ કુમારે કર્યું હતું. વિરોધીઓએ કેન્દ્ર સરકાર વિરુદ્ધ સૂત્રોચ્ચાર કર્યા હતા અને તેલ અને કુદરતી ગેસના ભાવમાં તીવ્ર વધારા માટે તેને જવાબદાર ઠેરવ્યો હતો.
આ પણ વાંચો: પીએમ મોદી અને વિદેશ મંત્રી એસ. જયશંકર વચ્ચે બેઠક, પાકિસ્તાન અને શ્રીલંકાની વર્તમાન સ્થિતિ પર ચર્ચા
આ પણ વાંચો:/ નવાબ મલિકની જ્યુડિશિયલ કસ્ટડી 18 એપ્રિલ સુધી લંબાવાઈ, ઘરના ભોજન અને દવાઓની પરવાનગી
