રવિવારે કેન્દ્ર સરકારે ગાંધી પરિવાર સાથે સંકળાયેલી એક NGO વિરુદ્ધ મોટી કાર્યવાહી કરી છે. સૂત્રોના જણાવ્યા અનુસાર ગૃહ મંત્રાલયે રાજીવ ગાંધી ફાઉન્ડેશન (RGF)નું લાઇસન્સ રદ કરી દીધું છે. ગૃહ મંત્રાલયે ફોરેન કોન્ટ્રીબ્યુશન (રેગ્યુલેશન) એક્ટ હેઠળ આ કાર્યવાહી કરી છે. આ સંગઠન પર ફોરેન ફંડિંગ એક્ટના કથિત ઉલ્લંઘનનો આરોપ છે.
ગૃહ મંત્રાલયના સૂત્રોના જણાવ્યા અનુસાર જુલાઈ 2020માં MHAએ મંત્રાલયની અંદર એક તપાસ સમિતિની રચના કરી હતી, તેના રિપોર્ટના આધારે આ નિર્ણય લેવામાં આવ્યો છે. તપાસ સમિતિમાં MHA, ED, CBI અને ઈન્કમ ટેક્સના અધિકારીઓ સામેલ હતા. સૂત્રોનું કહેવું છે કે લાયસન્સ રદ કરવાની નોટિસ રાજીવ ગાંધી ફાઉન્ડેશનના પદાધિકારીને મોકલવામાં આવી છે.
પૂર્વ કોંગ્રેસ અધ્યક્ષ સોનિયા ગાંધી આરજીએફના અધ્યક્ષ છે. જ્યારે અન્ય ટ્રસ્ટીઓમાં ભૂતપૂર્વ વડા પ્રધાન મનમોહન સિંહ, ભૂતપૂર્વ નાણાં પ્રધાન પી ચિદમ્બરમ અને રાહુલ ગાંધી અને પ્રિયંકા ગાંધી વાડ્રાનો સમાવેશ થાય છે. RGF વેબસાઈટ અનુસાર, સંસ્થાની સ્થાપના 1991માં થઈ હતી.
રાજીવ ગાંધી ફાઉન્ડેશન (RGF)ની સ્થાપના ભૂતપૂર્વ વડાપ્રધાન રાજીવ ગાંધીના વિઝનને પરિપૂર્ણ કરવા માટે કરવામાં આવી હતી. ફાઉન્ડેશનની અધિકૃત વેબસાઇટ rgfindia.org પર ઉપલબ્ધ માહિતી અનુસાર, 1991 થી 2009 સુધી, ફાઉન્ડેશને આરોગ્ય, સાક્ષરતા, આરોગ્ય, વિજ્ઞાન અને ટેકનોલોજી, મહિલા અને બાળ વિકાસ, વિકલાંગોને સહાય, પંચાયતી રાજ સંસ્થાઓમાં યોગદાન આપ્યું છે. , કુદરતી સંસાધન વ્યવસ્થાપન અને પુસ્તકાલયો, અન્ય મુદ્દાઓ પર કામ કર્યું.
