રિલાયન્સ ઇન્ડસ્ટ્રીઝની બુધવારે 43 મી વાર્ષિક સામાન્ય સભામાં કેટલાક ઉચ્ચ પ્રોફાઇલનાં વ્યક્તિઓ હાજર રહ્યા હતા, જેમાં ઘણી મહત્વપૂર્ણ ઘોષણાઓ પણ કરવામાં આવી હતી. રિલાયન્સ ગ્રુપનાં અધ્યક્ષ મુકેશ અંબાણીએ બેઠકમાં જાહેરાત કરી હતી કે, ઇન્ટરનેટની દિગ્ગજ કંપની ગૂગલ રિલાયન્સનાં વેંચર જિઓ પ્લેટફોર્મ્સમાં 33,737 કરોડ રૂપિયાનું રોકાણ કરશે.
ગૂગલ જિઓ પ્લેટફોર્મમાં 330,737 કરોડનું રોકાણ કરીને કંપનીમાં 7.7 ટકા હિસ્સો ખરીદશે. અન્ય ઘોષણાઓમાં કંપનીએ જિઓ ગ્લાસ નામનું મિશ્રિત રિયાલિટી સોલ્યુશનનું પ્રદર્શન કર્યું હતું, જેનો ડેમો મુકેશ અંબાણીની પુત્રી ઇશા અને પુત્ર આકાશ અંબાણીએ આપ્યો હતો. જો કે, કંપનીએ આ ઉત્પાદનની કિંમત અને ઉપલબ્ધતા વિશે હજી સુધી માહિતી આપી નથી. ઇશા અને આકાશે બતાવ્યું કે, જ્યારે જનતા માટે ઉપલબ્ધ કરવામાં આવશે ત્યારે જિઓ ગ્લાસ કેવી રીતે કાર્ય કરશે. કંપનીનાં પ્રમુખ કિરણ થોમસે કહ્યું, હેલો જિઓ, કૃપા કરીને આકાશ અને ઈશાને ફોન કરો. આ પછી, જિઓ ગ્લાસે ભાઈ-બહેનને ફોન કર્યો. આ દરમિયાન, જ્યારે આકાશ અંબાણી 3 ડી અવતારમાં દેખાયા હતા, ત્યારે ઇશા અંબાણી 2D વીડિયો કોલ ઇન્ટરફેસનો ઉપયોગ કરીને ચર્ચામાં જોડાયા હતા.
કોલ દરમિયાન, તેમણે દર્શાવ્યું કે જિઓ ગ્લાસ કેવી રીતે મીટિંગ્સને સરળ અને ઇન્ટરેક્ટિવ બનાવશે. કિરણ થોમસે આ દરમિયાન જણાવ્યું હતું કે, જિઓ ગ્લાસની સાથે તમે ડિજિટલ નોટ્સ અને પ્રેજન્ટેશનનું વિનિમય પણ કરી શકો છો. નોંધપાત્ર વાત એ છે કે, જિયો ગ્લાસ શિક્ષકો અને વિદ્યાર્થીઓ માટે 3 ડી વર્ચ્યુઅલ રૂમને સક્ષમ કરવા અને જિઓ મિશ્રિત રિયાલિટી સર્વિસ દ્વારા હોલોગ્રાફિક વર્ગો કરવા માટે બનાવવામાં આવ્યો છે. આ વર્ચુઅલ મીટિંગ્સમાં પણ મદદ કરશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
