ઉદ્યોગપતિ મુકેશ અંબાણીની આગેવાની હેઠળની રિલાયન્સ ઈન્ડસ્ટ્રીઝે ઓક્ટોબર-ડિસેમ્બર ક્વાર્ટરના પરિણામો જાહેર કર્યા છે. આ સમયગાળા દરમિયાન કંપનીનો કોન્સોલિડેટેડ ચોખ્ખો નફો 37.9% વધીને રૂ. 20,539 કરોડ થયો છે. જ્યારે આ સમયગાળા દરમિયાન કંપનીની આવક 52.2% વધીને રૂ. 2.09 લાખ કરોડ થઈ છે.
નફામાં રૂ. 5,060 કરોડનો વધારો થયો છે
અગાઉના ક્વાર્ટરમાં (જુલાઈ-સપ્ટેમ્બર 2021), રિલાયન્સ ઈન્ડસ્ટ્રીઝનો નફો રૂ. 15,479 કરોડ હતો, જ્યારે કંપનીની આવક રૂ. 1.91 લાખ કરોડ હતી. નાણાકીય વર્ષ 2020-21 ના સમાન ક્વાર્ટરમાં, કંપનીએ 14,894 કરોડ રૂપિયાનો નફો કર્યો હતો, જ્યારે તેની આવક 1.23 લાખ કરોડ રૂપિયા હતી. કંપનીના પરિણામો અનુસાર, આ વખતે (Q3 FY22) તેના નફામાં પાછલા ક્વાર્ટરની સરખામણીમાં રૂ. 5,060 કરોડનો વધારો થયો છે.
અત્યાર સુધીના શ્રેષ્ઠ પરિણામો
કંપનીના સારા પરિણામો અંગે મુકેશ અંબાણીએ એક નિવેદનમાં કહ્યું કે નાણાકીય વર્ષ 2021-22ના ત્રીજા ક્વાર્ટરમાં કંપનીએ સારું પ્રદર્શન કર્યું છે. આ અત્યાર સુધીના શ્રેષ્ઠ પરિણામો છે. આ ક્વાર્ટરમાં કંપનીના તમામ વ્યવસાયોએ મજબૂત યોગદાન આપ્યું છે, જેના કારણે કંપનીની ઓપરેટિંગ આવકમાં સારી વૃદ્ધિ થઈ છે. તહેવારોની મોસમને કારણે વપરાશમાં વધારો થયો છે અને લોકડાઉનમાં છૂટછાટ અને છૂટક વેપાર પણ સામાન્ય થઈ ગયો છે. અમારા ડિજિટલ બિઝનેસનો નફો પણ વધ્યો છે.ૉ
આ કંપનીનો શેર શુક્રવારે BSE પર રૂ. 2,478.10 પર બંધ થયો હતો. જ્યારે NSE પર તેના શેરની કિંમત 2,476.05 રૂપિયા હતી. બોમ્બે સ્ટોક એક્સચેન્જ પર કંપનીનું માર્કેટ કેપિટલાઇઝેશન રૂ. 16.76 લાખ કરોડ હતું.
