Record in ODI Cricket: રોહિત શર્મા તેની ખતરનાક બેટિંગ માટે દુનિયાભરમાં પ્રખ્યાત છે. તેણે ટીમ ઈન્ડિયા માટે ઘણી મેચો પોતાના દમ પર જીતી છે. જ્યારે તે પોતાની લયમાં હોય છે, ત્યારે તે કોઈપણ બોલિંગ આક્રમણને તોડી શકે છે. રોહિત શર્માએ ઈંગ્લેન્ડ સામે મોટો રેકોર્ડ બનાવ્યો છે. આવું કરનાર તે ભારત તરફથી પ્રથમ બેટ્સમેન બની ગયો છે. વિશ્વના તમામ બેટ્સમેન આ રેકોર્ડ મેળવવા માટે ઉત્સુક છે.
સુપરસ્ટાર બેટ્સમેન રોહિત શર્મા ઈંગ્લેન્ડ સામે ખૂબ જ સારી લયમાં જોવા મળ્યો હતો. તેણે 56 બોલમાં 76 રન બનાવ્યા જેમાં 7 ચોગ્ગા અને પાંચ લાંબી છગ્ગાનો સમાવેશ થાય છે. આ સાથે રોહિત શર્મા ODI ફોર્મેટમાં 250 સિક્સર મારનાર પ્રથમ ભારતીય બેટ્સમેન બની ગયો છે. તે 19મી ઓવરમાં ફાસ્ટ બોલર બ્રાઈડન કાર્સના એક બોલ પર સિક્સર ફટકારીને આ સ્થાન સુધી પહોંચવામાં સફળ રહ્યો. રોહિત શર્મા ODI ક્રિકેટમાં 250 સિક્સર મારનાર વિશ્વનો ચોથો બેટ્સમેન છે. તે સનથ જયસૂર્યા (270), ક્રિસ ગેલ (331) અને શાહિદ આફ્રિદી (351) પછી વનડેમાં સૌથી વધુ છગ્ગા સાથે ચોથા નંબર પર છે. રોહિત તેના પુલ શોટ માટે પ્રખ્યાત છે.
રોહિત શર્મા ભારત માટે ત્રણેય ફોર્મેટ રમ્યો છે. તે ટીમ ઈન્ડિયાનો સૌથી મોટો મેચ વિનર છે. તેણે ટીમ ઈન્ડિયાને અનેક અવસર પર ધમાકેદાર ટક્કર આપી છે. રોહિત સફેદ બોલ ક્રિકેટમાં ખૂબ જ ખતરનાક બેટ્સમેન છે. રોહિતે ભારત માટે 45 ટેસ્ટ મેચમાં 3137 રન બનાવ્યા છે. તો 231 વનડેમાં 9359 રન બનાવ્યા છે. 128 T20 મેચમાં 3379 રન બનાવ્યા છે. T20 ક્રિકેટમાં ચાર સદી ફટકારનાર તે એકમાત્ર બેટ્સમેન છે. ભારત માટે 111 રનના ટાર્ગેટનો પીછો કરવો આસાન હતો કારણ કે રોહિત શર્મા (76) અને શિખર ધવન (31)ની ઓપનિંગ જોડીએ ક્યારેય ઈંગ્લેન્ડ ટીમને તક આપી ન હતી અને ટીમ ઈન્ડિયાએ આસાનીથી મેચ જીતી લીધી હતી. શિખર ધવન અને રોહિત શર્માએ ભારત માટે 111 મેચમાં 5000 રનની ભાગીદારી નોંધાવી હતી.
આ પણ વાંચો: Rajkot/ પ્રથમવાર ભારતના ગુજરાતમાં જોવા મળ્યું અનોખું બ્લડ, દુનિયામાં આવા માત્ર 10 લોકો
આ પણ વાંચો: નવી દિલ્હી/ BJP સાંસદો 16 જુલાઇએ ડિનર માટે મળશે, બીજા દિવસે NDAના સહયોગીઓ સાથે પણ થશે બેઠક
