ભારતીય ક્રિકેટ ટીમનો વિસ્ફોટક ઓપનર અને મર્યાદિત ઓવરનો વાઇસ કેપ્ટન રોહિત શર્મા ઈંગ્લેન્ડ વિરુદ્ધની 5 મેચની ટેસ્ટ સીરીઝ માટે યુકેમાં છે. ત્યારે આ વચ્ચે તેમની પ્રોપર્ટી સેલને લઇને એક મોટા સમાચાર સામે આવ રહ્યા છે. જણાવી દઇએ કે, રોહિત શર્માએ લોનાવાલામાં પોતાનો વિલા વેચી દીધો છે. અહેવાલો અનુસાર, આ વિલા 5.25 કરોડમાં વેચાયો છે, જે 6,259 ચોરસ ફૂટમાં બનાવવામાં આવ્યો હતો. આ ડીલની એગ્રિમેન્ટ તારીખ 29 મે, 2021 ની હતી.
આ પણ વાંચો – ભાવુક દ્રશ્ય / ચાલુ મેચમાં સેરેના વિલિયમ્સ રડી પડી, હાજર દર્શકો થયા ભાવુક, જાણો પૂરી વિગત
દસ્તાવેજોમાં જણાવાયું છે કે, ભારતીય ક્રિકેટ ટીમનાં વાઇસ કેપ્ટન રોહિત શર્માએ 26 લાખ રૂપિયાની સ્ટેમ્પ ડ્યુટીની ચૂકવણી કરી હતી. દસ્તાવેજોમાં જણાવાયું છે કે, ખરીદનાર સુષ્મા અશોક સરાફ નામની મહિલા છે. દેશભરમાં કોવિડ રોગચાળાની બીજી લહેર ચાલુ હોવાને કારણે, મુંબઈનાં શ્રીમંત લોકો રેડી-ટૂ-મૂવ-ઇન ફાર્મહાઉસ શોધી રહ્યા છે, જ્યારે મુંબઇનાં હાઇ નેટ વર્થ વ્યક્તિઓ (એચ.એન.આઈ) લોનાવાલા, અલીબાગ અને કરજતની ભીડથી દૂર રહે છે. કામ કોઇ પણ જગ્યાએથી કરવાનો નિયમ બન્યા બાદ હવે ખરેખરમાં ફરક પડતો નથી, કે તમે ક્યા રહો છો. શ્રીમંત અને પ્રખ્યાત લોકો ફિટનેસ-અનુકૂળ અને સુખાકારી સુવિધાઓવાળા મોટા ફાર્મહાઉસ ખરીદવાનું પસંદ કરી રહ્યા છે. નોંધનીય છે કે, આ સમયે રોહિત આગામી ટેસ્ટ સીરીઝની તૈયારીઓની સાથે પરિવાર સાથે સમય વિતાવી રહ્યો છે. ઈંગ્લેન્ડ વિરુદ્ધ આગામી પાંચ મેચની ટેસ્ટ શ્રેણી 4 ઓગસ્ટથી શરૂ થવાની છે. આ સીરીઝ વર્લ્ડ ટેસ્ટ ચેમ્પિયનશિપ (ડબ્લ્યુટીસી) નો ભાગ હશે, તેથી રોહિત શર્મા સદીથી ટૂર્નામેન્ટની શરૂઆત કરવા માંગશે.
આ પણ વાંચો – ક્રિકેટ સમાચાર / ટીમ ઈન્ડિયાને લાગ્યો ઝટકો, ગળાનાં ભાગમાં દુખાવાનાંં કારણે મેદાનમાં નહી ઉતરે કેપ્ટન મિતાલી રાજ
આ સીરીઝ વર્લ્ડ ટેસ્ટ ચેમ્પિયનશિપ (ડબ્લ્યુટીસી) ચક્રનો ભાગ હશે તે ધ્યાનમાં રાખીને, રોહિત ટુર્નામેન્ટની શરૂઆતમાં ટોન સેટ કરશે. ઈંગ્લેન્ડ, ખરેખર કઠિન પક્ષોમાં એક છે, જ્યારે ઘરે ટેસ્ટની વાત આવે છે ત્યારે આવી સ્થિતિઓ હોય છે જે મુખ્યરૂપે સીમ અને સ્વિંગનાં પક્ષમાં હોય છે. તેમના બોલરો- જેમ્સ એન્ડરસન, સ્ટુઅર્ટ બ્રોડ, ક્રિસ વોક્સ, બેન સ્ટોક્સ અને જોફ્રા આર્ચર ભારતીય બેટ્સમેનોને મુશ્કેલીમાં મૂકવા સતત પ્રયાસ કરશે.
