Gandhinagar News: જિલ્લામાં યુવાનો અને સગીરોને નશાની લતથી બચાવવા જિલ્લા વહીવટીતંત્રે મહત્વપૂર્ણ નિર્ણય લીધો છે. ફોરેન્સિક સાયન્સ લેબોરેટરી (FSL)ના વૈજ્ઞાનિક અભિપ્રાયને આધારે જિલ્લા મેજિસ્ટ્રેટે સમગ્ર જિલ્લામાં રોલિંગ પેપર (Rolling Paper Smoking) અને સ્મોકિંગ કોનના વેચાણ, સંગ્રહ અને હેરફેર પર તાત્કાલિક અસરથી પ્રતિબંધ લાગુ કર્યો છે. આ નિર્ણયનો મુખ્ય હેતુ નશીલા પદાર્થોના ઉપયોગને પ્રોત્સાહન આપતા સાધનોની ઉપલબ્ધતા ઘટાડીને યુવાપેઢીને સુરક્ષિત રાખવાનો છે.
FSLના અભિપ્રાય બાદ લેવાયો નિર્ણય
જિલ્લા વહીવટીતંત્રને મળેલા ફોરેન્સિક સાયન્સ લેબોરેટરીના અભિપ્રાયમાં જણાવાયું હતું કે રોલિંગ પેપર અને સ્મોકિંગ કોનનો ઉપયોગ ઘણીવાર નશીલા પદાર્થોના સેવન માટે કરવામાં આવે છે. આવા સાધનો દ્વારા નશીલા પદાર્થો ઝડપથી શરીરમાં પ્રવેશે છે, જેના કારણે વ્યસનની શક્યતા વધી જાય છે. આ અભિપ્રાયને ધ્યાનમાં રાખીને જિલ્લા મેજિસ્ટ્રેટે (Anti Drug Campaign) પ્રતિબંધનો આદેશ જાહેર કર્યો છે.
યુવાધનમાં વ્યસન વધતું અટકાવવાનો પ્રયાસ
તાજેતરના સમયમાં યુવાનો (Youth Drug Prevention) અને સગીરોમાં નશાના વધતા પ્રભાવને લઈને અનેક સામાજિક સંસ્થાઓ અને નાગરિકોએ ચિંતા વ્યક્ત કરી હતી. વહીવટીતંત્રનું માનવું છે કે આવા સાધનો સરળતાથી ઉપલબ્ધ રહેતાં નશાના દૂષણને પ્રોત્સાહન મળતું હતું. પ્રતિબંધથી આ પ્રવૃત્તિઓ પર અંકુશ લાવવામાં મદદ મળશે.
દુકાનો અને ઓનલાઈન વેચાણ પણ રહેશે નજર હેઠળ
પ્રશાસનના જણાવ્યા મુજબ પાન પાર્લર, ચાની કીટલી, જનરલ સ્ટોર તેમજ અન્ય વેપારીઓને આ વસ્તુઓનું વેચાણ ન કરવા સૂચના આપવામાં આવી છે. સાથે જ ઓનલાઈન પ્લેટફોર્મ મારફતે થતું વેચાણ પણ નિયમોના દાયરામાં રહેશે. સંબંધિત વિભાગો સતત મોનિટરિંગ કરશે.
નિયમ તોડનાર સામે કડક કાર્યવાહી
જિલ્લા તંત્રે સ્પષ્ટ કર્યું છે કે જાહેરનામાનો ભંગ કરનાર કોઈપણ વ્યક્તિ અથવા વેપારી સામે કાયદા મુજબ કાર્યવાહી કરવામાં આવશે. જરૂર પડ્યે માલ જપ્ત કરવા, ગુનો નોંધવા અને અન્ય કાનૂની પગલાં પણ લેવામાં આવશે.
12 સપ્ટેમ્બર સુધી અમલમાં રહેશે આદેશ
આ જાહેરનામું 15 જુલાઈથી અમલમાં આવ્યું છે અને આગામી 12 સપ્ટેમ્બર સુધી ગાંધીનગર જિલ્લાના સમગ્ર વિસ્તારમાં લાગુ રહેશે. વહીવટીતંત્રે નાગરિકોને પણ નશા વિરોધી અભિયાનમાં સહકાર આપવા અપીલ કરી છે.
આ પણ વાંચો: ગાંધીનગરમાં GPCB કચેરીએ બાલાસિનોરના ગ્રામજનોનો વિરોધ: પ્રદૂષિત પાણીથી 18 ગામ પ્રભાવિત હોવાનો આરોપ
આ પણ વાંચો: ગાંધીનગરના કલોલમાં કોલેજ કરતા વિદ્યાર્થીની હત્યા
આ પણ વાંચો: ગાંધીનગર કમલમમાં ભાજપની મહત્વપૂર્ણ બેઠક, પેટા ચૂંટણી અંગે રણનીતિ ઘડાશે
