Entertainment News: બોલિવૂડ અભિનેતા સલમાન ખાન એક એવી છોકરીને પ્રેમ કરતો હતો જે તેની ક્યારેય થઈ શકી નથી.
સલમાન ખાનનું નામ ઘણી અભિનેત્રીઓ સાથે જોડાઈ ચુક્યું છે. પરંતુ અભિનેતાના જીવનમાં એવા સંજોગો આવ્યા કે તેમને મનગમતી છોકરી ન મળી અને જ્યારે સલમાન ખાન તેના પ્રેમને મળ્યો એટલે કે તે છોકરીને મળ્યો ત્યારે તે દાદી બની ગઈ હતી. અભિનેતાએ સોમી અલીથી લઈને કેટરિના કૈફ, સંગીતા બિજલાની અને ઐશ્વર્યા રાય સુધીના બધાને ડેટ કર્યા હતા. પરંતુ સંજોગોવશાત્ એક પણ સંબંધ ટકી શક્યો નહીં અને થોડા વર્ષોમાં તૂટી ગયો.
સંગીતા બિજલાની સાથે સલમાનના લગ્નના કાર્ડ પણ છપાઈ ગયા હતા, પરંતુ અભિનેતાના વિશ્વાસઘાતને કારણે તે સંબંધ પણ સમાપ્ત થઈ ગયો હતો. સલમાન ખાનની ઉંમર હવે 58 વર્ષની થઈ ગઈ છે, હવે તે લગ્ન કરવાના મૂડમાં નથી, પરંતુ ચાહકો હજી પણ તેમના લગ્નની રાહ જોઈ રહ્યા છે કે અભિનેતા ક્યારે લગ્ન કરશે. સલમાન ખાને ‘બિગ બોસ 13’માં તેની ગર્લફ્રેન્ડની સ્ટોરી શેર કરી હતી. ત્યારબાદ કાજોલ અને અજય દેવગન તેમની ફિલ્મ ‘તાનાજીઃ ધ અનસંગ વોરિયર’ના પ્રમોશન માટે ગયા હતા. શોમાં કાજોલે સલમાન ખાનને પૂછ્યું હતું કે શું તેને ક્યારેય એવી કોઈ છોકરી પસંદ આવી કે જેને તે તેની લાગણીઓ કહી શક્યો ન હોય.
ત્યારે સલમાને કહ્યું કે, તે એક છોકરી હતી જે ક્યારેય તેની લાગણીઓ અને પ્રેમ વિશે જાણતી ન હતી. તે તેને ખૂબ જ પ્રેમ કરતો હતો. મને તે ખૂબ જ ગમતી હતી. પરંતુ રિજેક્ટ થવાના ડરને કારણે હું ક્યારેય વ્યક્ત કરી શક્યો નહીં. સલમાને જણાવ્યું હતું કે તેના ત્રણ મિત્રો હતા જેનું તે યુવતી સાથે એક યા બીજા સમયે અફેર હતું. પરંતુ અભિનેતાને તે છોકરી સાથે પ્રેમ થઈ ગયો. જોકે, તે સમયે તે ડરના કારણે પોતાની લાગણી વ્યક્ત કરી શક્યો ન હતો. પરંતુ બાદમાં સલમાનને ખબર પડી કે છોકરી ખરેખર તેને પ્રેમ કરતી હતી. ત્યારે સલમાન ખૂબ જ દુ:ખી થયો હતો. પરંતુ એક મોટો આંચકો ત્યારે લાગ્યો જ્યારે 19 વર્ષ પહેલા આ જ છોકરી સાથે સલમાન ખાનની ટક્કર થઈ હતી. સલમાને કહ્યું કે તે તેને જોઈને આશ્ચર્યચકિત થઈ ગયો અને વિચારવા લાગ્યો કે સારું થયું કે તેણે તે સમયે પોતાની લાગણી વ્યક્ત કરી ન હતી. ખરેખર એ છોકરી દાદી બની ગઈ હતી.
સલમાને કહ્યું હતું કે, ‘તે દાદી બની ગઈ હતી. તેને પૌત્રો પણ હવે મોટા થઈ ગયા હતા. તે છોકરીએ કહ્યું કે, મારો પૌત્ર તમારો મોટો ફેન છે. તેને તમારી ફિલ્મો ખૂબ ગમે છે. સલમાને કહ્યું કે જ્યારે તે તે છોકરીને મળ્યો ત્યારે તે તેને ઓળખી શક્યો નહીં અને તેને પૂછ્યું કે તે કોણ છે. સલમાનના કહેવા પ્રમાણે પછી તેણે કહ્યું, ‘ તું મને નથી ઓળખતો?’ સલમાને કહ્યું હતું કે જ્યારે તે 15 વર્ષ પછી તેને મળ્યો ત્યારે તેના મગજમાં તે છોકરીની છબી બદલાઈ ગઈ હતી.
આ પણ વાંચો:ગુજરાતમાં કોરોનાએ ફરીથી માથુ ઉચક્યુ, એક્ટિવ કેસ 53ને પાર, એકનું મોત
આ પણ વાંચો:રાજકોટ મહાનગર પાલીકા દ્વારા સંચાલીત પ્રાણી સંગ્રલાયમાં સફેદ વાધના બે બચ્ચાનો જન્મ થયો
આ પણ વાંચો:કોંગ્રેસમાં ગાબડા યથાવત્: સાબરકાંઠાના મહામંત્રી ડી.ડી.રાજપૂતે પક્ષ છોડ્યો
આ પણ વાંચો:ભાજપના નેતા અર્જુન મોઢવાડિયાનો રાસ રમતો વિડીયો વાયરલ
