સેમસંગ ગેલેક્સી એસ 21 અલ્ટ્રાએ એપલ આઇફોન 12 પ્રો મેક્સને ડ્રોપ પરીક્ષણમાં હરાવ્યો છે. આ પરીક્ષણ યુટ્યુબરે કર્યું હતું. વીડિયો EverythingApplePro EAP પર શેર કરવામાં આવ્યો છે. સેમસંગનો ફોન એપલ કરતા આગળ નીકળી ગયો. વીડિયોમાં બંને ફોનમાં એક સમાન ટ્રીટ કરવામાં આવ્યા હતા જ્યાં બંને ફોનમાં નુકસાન થયું હતું. જ્યારે આઇફોન 12 પ્રોનો પાછળનો ગ્લાસ સંપૂર્ણપણે તૂટી ગયો હતો, ગેલેક્સી એસ 21 અલ્ટ્રાનું લેન્સ કવર બહાર નીકળી ગયું હતું. આ પરીક્ષણ 10 ફૂટની ઉંચાઇથી કરવામાં આવ્યું હતું.
વીડિયોમાં બંને સ્માર્ટફોનની મજબુતી પણ બતાવવામાં આવી છે. જ્યાં સેમસંગે તેની સ્ક્રીન પર કોર્નિંગ ગોરિલા ગ્લાસનો ઉપયોગ કર્યો છે, તે ફોનની કિંમત 105,999 રૂપિયા છે. જ્યારે આઇફોન 12 પ્રો મેક્સની કિંમત 129,699 રૂપિયા છે, જેની સ્ક્રીન સિરામિક શિલ્ડ સાથે આવે છે. એપલ આ ફોનના ગ્લાસને ખૂબ મજબુત માને છે. એપલે કહ્યું છે કે ફોનનો ગ્લાસ નેનો-સિરામિક સ્ફટિકોથી બનેલો છે.
વીડિયોમાં ખુલાસો
વીડિયોમાં, સેમસંગ ગેલેક્સી એસ 21 અલ્ટ્રા અને આઇફોન 12 પ્રો મેક્સને રુમની ઉંચાઇ પરથી નીચે છોડવામાં આવ્યો, ત્યારબાદ તેને 10 ફૂટની ઉંચાઇથી નીચે ફેંકી દેવામાં આવ્યો હતો. રુમની ઉંચાઇ પરથી બન્ને ફોન સલામત બહાર આવ્યા હતા પરંતુ જ્યારે સેમસંગના 3x ઝૂમ લેન્સ બહાર નીકળી ગયા હતા. આઇફોન 12 પ્રોનો પાછળનો ગ્લાસ સંપૂર્ણપણે તૂટી ગયો.
આટલી ઉંચાઇ પરથી ફેંક્યા પછી, બંને સ્માર્ટફોન પર ઘણી બધી સ્ક્રેચેસ હતી, જ્યારે આઇફોન સંપૂર્ણપણે વિખેરાઇ ગયો હતો. સેમસંગ ગેલેક્સી એસ 21 અલ્ટ્રા એલ્યુમિનિયમ ચૈસી સાથે આવે છે જ્યારે આઇફોન 12 પ્રો મેક્સ સર્જિકલ ગ્રેડ સ્ટેનલેસ સ્ટીલ સાથે આવે છે.
તમને જણાવી દઇએ કે આ પહેલીવાર નથી જ્યારે આઇફોન 12 પ્રો મેક્સ ટેસ્ટમાં નિષ્ફળ ગયો છે. આ પહેલા ફોનનું પરીક્ષણ કરવામાં આવ્યું હતું જ્યાં તે નિષ્ફળ ગયો.
