Sandeep Sangle Chief Electoral Officer Gujarat : ગુજરાતમાં આગામી સ્થાનિક સ્વરાજ્યની ચૂંટણીઓ પહેલા વહીવટી સ્તરે મોટા ફેરફારો કરવામાં આવ્યા છે. ભારત સરકારના ચૂંટણી પંચના આદેશ બાદ રાજ્ય સરકારે મહત્વના આદેશો જાહેર કર્યા છે. જેમાં વરિષ્ઠ IAS અધિકારી સંદીપ સાંગલેની ગુજરાતના નવા મુખ્ય ચૂંટણી અધિકારી (CEO) તરીકે નિમણૂક કરવામાં આવી છે.
Sandeep Sangle સંભાળશે ચૂંટણીની કમાન
રાજ્યના મુખ્ય ચૂંટણી અધિકારી તરીકે અત્યાર સુધી સેવા આપતા હરિત શુક્લાના સ્થાને હવે સંદીપ સાંગલેની નિયુક્તિ કરવામાં આવી છે. આગામી મહાનગરપાલિકા અને પંચાયતોની ચૂંટણીઓના આયોજન અને દેખરેખની સંપૂર્ણ જવાબદારી હવે સંદીપ સાંગલેના શિરે રહેશે. ચૂંટણી પંચે તેમની વહીવટી કુશળતાને ધ્યાને રાખીને આ મહત્વનું પદ સોંપ્યું છે.
હરિત શુક્લાને મહત્વના વિભાગોનો હવાલો
બીજી તરફ, હરિત શુક્લાની બદલી કરીને તેમને સામાન્ય વહીવટ વિભાગ (GAD) માં મુખ્ય સચિવ (Principal Secretary) તરીકે નિયુક્ત કરવામાં આવ્યા છે. આ સાથે જ તેમને ટ્રાન્સપોર્ટ વિભાગનો વધારાનો હવાલો પણ સોંપવામાં આવ્યો છે. રાજ્યના વહીવટી માળખામાં હરિત શુક્લા હવે વધુ મહત્વની ભૂમિકા ભજવતા જોવા મળશે.
આ પણ વાંચો:સિટિઝન ફ્રેન્ડલી વહીવટી અભિગમમાં પ્રવીણ છે IAS અધિકારી પ્રવીણ ચૌધરી
આ પણ વાંચો:IAS પંકજ જોશી: પ્રજાકીય આકાંક્ષાનું સરકારી નીતિઓ સાથે સમન્વય સાધવામાં કાબેલ
