શકીલ અહેમદે આજે કોંગ્રેસના વચગાળાના પ્રમુખ સોનિયા ગાંધી સાથે મુલાકાત કરી હતી. માનવામાં આવી રહ્યું છે કે શકીલ અહેમદ કોંગ્રેસમાં વાપસી કરી શકે છે. શકીલ અહેમદને 6 વર્ષ માટે કોંગ્રેસમાંથી હકાલપટ્ટી કરવામાં આવી હતી.
પૂર્વ કેન્દ્રીય પ્રધાન શકીલ અહેમદે આજે કોંગ્રેસના વચગાળાના પ્રમુખ સોનિયા ગાંધી સાથે મુલાકાત કરી હતી. માનવામાં આવી રહ્યું છે કે શકીલ અહેમદ કોંગ્રેસમાં વાપસી કરી શકે છે. લોકસભાની ચૂંટણીમાં સંયુક્ત પ્રગતિશીલ જોડાણ (યુપીએ) ના ઉમેદવાર સામે અપક્ષ તરીકે લડ્યા બાદ અહેમદને કોંગ્રેસમાંથી સસ્પેન્ડ કરવામાં આવ્યા હતા.
બિહારની મધુબની લોકસભા બેઠક પરથી અપક્ષ તરીકે લડતા શકીલ અહેમદને કોંગ્રેસ દ્વારા 6 વર્ષ માટે પાર્ટીમાંથી હાંકી કાઢવામાં આવ્યા હતા. મહાગઠબંધન સૂત્ર હેઠળ મધુબની બેઠક વિકાસ ઇન્સાન પાર્ટી (વીઆઈપી) ના ખાતામાં ગઈ. શકીલ અહમદે પાર્ટીના નિર્ણયની વિરુદ્ધ ગયા હતા. અને ગત લોકસભા ચુંટણીમાં અપક્ષ તરીકે ઊભા રહ્યા હતા.
શકીલ અહેમદ વર્ષ 1998 અને 2004 માં મધુબની લોકસભા બેઠક પરથી સાંસદ રહી ચૂક્યા છે. તેઓ 1985, 1990 અને 2000 માં ધારાસભ્ય પણ હતા. અહમદ રાબડી દેવીની આગેવાનીવાળી બિહાર સરકારમાં આરોગ્ય પ્રધાન પણ રહી ચૂક્યા છે. ત્યારબાદ તેમણે 2004 માં મનમોહન સિંઘની સરકારમાં સંદેશાવ્યવહાર, આઈટી અને ગૃહ રાજ્યમંત્રી તરીકેનો હવાલો સંભાળ્યો હતો.
કોંગ્રેસ અધ્યક્ષ બન્યા પછી, સોનિયા ગાંધી સતત એવા નેતાઓને મળી રહ્યા છે કે જેઓને કાં તો કોંગ્રેસમાંથી હાંકી કાઢવામાં આવ્યા હતા અથવા નારાજગીના કારણે પાર્ટી છોડી દીધી હતી. તાજેતરમાં જ તે અલકા લંબાને પણ મળ્યા હતા. ચાંદની ચોક વિધાનસભા બેઠકના આપ ના ધારાસભ્ય અલકા લાંબા દિલ્હીના મુખ્ય પ્રધાન અરવિંદ કેજરીવાલ વિરુદ્ધ સતત ટ્વીટ કરીને વિરોધ પ્રદર્શિત કરી રહ્યા છે. અલકા લાંબાએ ટ્વીટ કરીને પાર્ટીમાંથી રાજીનામું આપવાનું કહ્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
