Shubman another Century: ટીમ ઈન્ડિયાનો વિસ્ફોટક ઓપનર શુભમન ગિલ ત્રીજી ODI (Ind Vs NZ 3RD ODI)માં સતત તબાહી મચાવી રહ્યો છે. તેણે ન્યૂઝીલેન્ડ સામે ધમાકેદાર સદી ફટકારી છે. ગિલે સદીની ઇનિંગ્સમાં કિવી બોલરોને જોરદાર રીતે પછાડ્યા છે. આ મેચમાં કેપ્ટન રોહિત શર્માએ પણ ત્રણ વર્ષ બાદ સદી ફટકારી છે. બંનેની તોફાની ઇનિંગ્સના કારણે પ્રથમ વિકેટ માટે રેકોર્ડ ભાગીદારી પણ નોંધાઈ છે. શુભમન ગિલે ન્યૂઝીલેન્ડ સામેની પ્રથમ વનડેમાં બેવડી સદી ફટકારી હતી.
3 મેચની સિરીઝમાં શુભમન ગિલની આ બીજી સદી છે. અગાઉ તેણે આ જ સિરીઝમાં બેવડી સદી ફટકારી હતી જ્યારે બાંગ્લાદેશ સામેની સિરીઝમાં પણ તેણે સદી ફટકારી હતી. વનડે કરિયરમાં આ તોફાની બેટ્સમેનની આ ચોથી સદી છે. પોતાની સદીની ઇનિંગ્સમાં તેણે ઘણા શાનદાર શોટ્સ બનાવ્યા અને જોરદાર રીતે ચોગ્ગા અને છગ્ગા ફટકાર્યા. શુભમન ગીલ જે રીતે બેટિંગ કરી રહ્યો હતો તે જોઈને લાગી રહ્યું હતું કે આજે ફરી તે મોટી ઇનિંગ્સ રમશે. જોકે, 112 રનના સ્કોર પર ટિકનરે તેને ડ્વેન કોનવેના હાથે કેચ આઉટ કરાવ્યો હતો. તેની 78 બોલની ઇનિંગમાં તેણે 13 ફોર અને 5 સિક્સર ફટકારી હતી. હાલમાં ટીમ ઈન્ડિયા જે સ્પીડથી સ્કોર વધારી રહી છે તે જોતા લાગે છે કે ત્રીજી વનડેમાં પણ 300+નો સ્કોર આસાનીથી બની જશે.
3 મેચની દ્વિપક્ષીય સિરીઝમાં સૌથી વધુ રન
360, બાબર આઝમ vs વેસ્ટ ઈન્ડિઝ, 2016
360, શુભમન ગિલ vs ન્યુઝીલેન્ડ, 2023
349, ઇમરુલ કાયેસ vs ઝિમ્બાબ્વે 2018
શુભમન ગિલનો ODI રેકોર્ડ
21 મેચ, 21 ઇનિંગ્સ, 1254 રન
73.76 સરેરાશ, 4 સદી, 5 અર્ધસદી
142 ચોગ્ગા, 27 છગ્ગા
શુભમન ગિલની વનડે ઇનિંગ્સ
9, 7, 33, 64, 43, 98*, 82*, 33, 130, 3, 28, 49, 50, 45*, 13, 70, 21, 116, 208, 40*,
શુભમન ગિલની અત્યાર સુધીની સદી
208 vs ન્યુઝીલેન્ડ, 2023
130 vs ઝિમ્બાબ્વે, 2022
116 vs શ્રીલંકા, 2023
112 vs ન્યુઝીલેન્ડ, 2023
આ પણ વાંચો: સુરત/ઉધનામાં અસામાજિક તત્વોનો આતંક, દારૂ પીધેલી હાલતમાં બે ઈસમોએ કરી મારામારી
આ પણ વાંચો: Basant Panchami 2023/અદ્ભુત છે વસંત પંચમીનો તહેવાર, આ વખતે બનશે એક અનોખો સંયોગ, માતા સરસ્વતીને પ્રસન્ન કરવા આ રીતે
