કેન્દ્રીય મંત્રી સ્મૃતિ ઈરાનીની દીકરી શનેલ અને કેનેડિયન મૂળના વર અર્જુન ભલ્લાના લગ્નની પ્રથમ તસવીરો સામે આવી છે. કેન્દ્રીય મંત્રી સ્મૃતિ ઈરાનીની દીકરી રેડ આઉટફિટમાં સુંદર લાગી રહી છે અને તેનો વર અર્જુન ભલ્લા હાફ શેવમાં ડેશિંગ દેખાઈ રહ્યો છે. નાગૌર જિલ્લાના ખિંવસર કિલ્લામાં ત્રણ દિવસ સુધી ચાલેલા લગ્ન સમારોહના કાર્યક્રમો ગઈકાલે રાત્રે પૂર્ણ થઈ ગયા છે. વર-કન્યાને આશીર્વાદ આપવા માટે દેશ અને દુનિયાની એક મોટી હસ્તી હાજર રહી હતી.
વાસ્તવમાં શનેલ અને અર્જુનની સગાઈ વર્ષ 2021માં ડિસેમ્બર મહિનામાં આ કિલ્લામાં થઈ હતી. સગાઈ પછી બધા લગ્નની રાહ જોઈ રહ્યા હતા. કપલે આ કિલ્લાને શાહી છટાદાર અને લાક્ષણિક દેશી શૈલીમાં લગ્ન કરવા માટે પસંદ કર્યો હતો. પાંચસો વર્ષ જૂના આ કિલ્લામાં વિવિધ થીમ પર અનેક કાર્યક્રમોનું આયોજન કરવામાં આવ્યું હતું.
આ રોયલ વેડિંગ માટે સાત ફેરા પહેલા ગુરુવારે રાત્રે પૂલ સાઇડ ડેસ્ટિનેશન ખાતે પાર્ટીનું આયોજન કરવામાં આવ્યું હતું અને ત્યાર બાદ આજે વર-કન્યા તેમના પરિવારના સભ્યો સાથે ખિંવસર કિલ્લો છોડીને દિલ્હી જવા રવાના થયા હતા.
લગ્નમાં રાજસ્થાની કલ્ચર અને ફ્યુઝનને જોડીને એકથી એક ઈવેન્ટનું આયોજન કરવામાં આવ્યું હતું. મહેમાનોએ દેશી ડાન્સ સાથે રાજસ્થાની ફૂડની મજા માણી હતી. આ લગ્ન ખૂબ જ ખાનગી રાખવામાં આવ્યા હતા. આ કાર્યક્રમમાં ભારત અને વિદેશમાંથી આવતા પસંદગીના મહેમાનો ઉપરાંત બંને પરિવારના સભ્યો જ હાજર રહ્યા હતા. લગ્ન દરમિયાન સ્મૃતિ ઈરાની અને તેમના પતિએ દીકરી અને જમાઈને આશીર્વાદ આપ્યા હતા.
આ પ્રસંગને એટલો ખાનગી રાખવામાં આવ્યો હતો કે કિલ્લાના કર્મચારીઓને પણ ઘણી જગ્યાએ જવા દેવામાં આવ્યા ન હતા. કોઈપણ કાર્યક્રમમાં ફોનના પ્રવેશ પર સંપૂર્ણ પ્રતિબંધ મૂકવામાં આવ્યો હતો. કહેવામાં આવી રહ્યું છે કે હવે નવુ કપલ હનીમૂન માટે વિદેશ જવાની તૈયારી કરી રહ્યું છે. નોંધનીય છે કે અર્જુન ભલ્લા કેનેડિયન મૂળના છે, તેમનો જન્મ ત્યાં થયો હતો. શનેલ અને અર્જુન કેનેડામાં અભ્યાસ દરમિયાન મળ્યા હતા અને હવે તેઓ જીવન સાથી છે.
આ પણ વાંચો:લોકરક્ષકની પરીક્ષા પાસ કરનાર ઉમેદવારની પસંદગીનો હક જતો કરવા અજાણ્યાએ કર્યું એવું કે…પછી
આ પણ વાંચો:10 ફેબ્રુઆરી 2023નું રાશિ ભવિષ્ય, જાણો કેવો રહેશે તમારો આજનો દિવસ…