મેલબર્ન,
ભારત અને ઓસ્ટ્રેલિયા વચ્ચે રમાઈ રહેલી ચાર ટેસ્ટની શ્રેણીની ત્રીજી મેચ મેલબર્નના ક્રિકેટ ગ્રાઉન્ડ ખાતે રમાવવાની છે. જો કે આ પહેલા ભારતીય ટીમના બે સિનીયર સ્પિનર આર. અશ્વિન અને રવીન્દ્ર જાડેજાના રમવાને લઈ સસ્પેન્સ યથાવત છે.
આ વચ્ચે રવીન્દ્ર જાડેજાની ફિટનેસને લઈ ચોકાવનારો ખુલાસો થયો છે. ટીમ ઇન્ડિયાના કોચ રવિ શાસ્ત્રીએ કહ્યું હતું કે, “જાડેજાના ખભામાં ઈજા હતી, જયારે તે ભારતમાં જ રણજી ટ્રોફી રમી રહ્યો હતો અને ત્યારબાદ ઓસ્ટ્રેલિયા પહોંચ્યાના ચાર દિવસ પછી ઈન્જેકશન અપાયા હતા”.
અત્રે ઉલ્લેખનીય છે કે, પર્થમાં રમાયેલી બીજી ટેસ્ટ મેચ દરમિયાન જાડેજાને ૧૩ સભ્યોની ટીમમાં સમાવેશ કરાયો હતો, પરંતુ ત્યારબાદ ટીમમાં સમાવેશ કરાયો ન હતો. પરંતુ ઑસ્ટ્રેલિયાની બંને ઇનિંગ્સ દરમિયાન તે મોટાભાગનો સમય ક્ષેત્ર બચાવ કરતો દેખાતો હતો, જેના કારણે હવે ભારતીય ટીમના ઇન્જરી મેનેજમેન્ટ પ્રોગ્રામ પર પ્રશ્નો ઉભા થયા છે.
બીજી બાજુ શાસ્ત્રીના આ નિવેદનથી સવાલો ઉભા થયા છે કે, સંપૂર્ણ ફિટ ન થયા બાદ પણ ખેલાડીને ઓસ્ટ્રેલિયાના પ્રવાસ માટે શા માટે લાવવામાં આવ્યો. આ ઉપરાંત તેઓએ સ્વીકાર પણ કર્યો છે કે, જાડેજાને ઇજામાંથી બહાર આવવા માટે વધુ સમય લાગી શકે છે.
