હૈદરાબાદ,
હૈદરાબાદ ખાતે રમાઈ રહેલી ભારત અને વેસ્ટ ઇન્ડીઝ વચ્ચેની બીજી અને અંતિમ ટેસ્ટ મેચમાં ટીમ ઇન્ડિયાના ઓપનર બેટ્સમેન પૃથ્વી શોએ મેદાનમાં ઉતરવાની સાથે જ વધુ એક રેકોર્ડ પોતાના નામે કર્યો છે.
પૃથ્વી શોએ વેસ્ટ ઇન્ડીઝ સામેની બીજી ટેસ્ટમાં પોતાની ઇનિંગ્સની શરૂઆતના પ્રથમ ઓવરમાં જ સિક્સર ફટકારી એક નવો રેકોર્ડ બનાવ્યો છે. આ સાથે જ શો ટેસ્ટની પહેલી ઓવરમાં જ સિક્સર ફટકારનાર બીજો ક્રિકેટર બની ગયો છે.
આ પહેલા વર્ષ ૨૦૦૮માં એટલે કે ૧૦ વર્ષ પહેલા વીરેન્દ્ર સહેવાગે સાઉથ આફ્રિકા સામેની ટેસ્ટ મેચમાં આ રેકોર્ડ બનાવ્યો હતો.
પૃથ્વી શોએ ભારતની પ્રથમ ઇનિંગ્સ શરુ થવાની સાથે જ વેસ્ટ ઇન્ડીઝના ઝડપી બોલર ગ્રેબિયલની પ્રથમ ઓવરના પાંચમા બોલ પર સિક્સર ફટકારી હતી.