એશિયા કપ 2022 સુપર-4ની પ્રથમ મેચમાં શ્રીલંકાએ અફઘાનિસ્તાનને 4 વિકેટે હરાવ્યું. પ્રથમ બેટિંગ કરતા અફઘાનિસ્તાને શ્રીલંકા સામે છ વિકેટે 175 રન બનાવ્યા હતા. જવાબમાં શ્રીલંકાએ 5 બોલ બાકી રહેતા 6 વિકેટે 179 રન બનાવીને મેચ જીતી લીધી હતી. 176 રનના લક્ષ્યાંકનો પીછો કરતા શ્રીલંકાની શરૂઆત સારી રહી હતી. નિસાંકા અને મેન્ડિસે પ્રથમ વિકેટ માટે 62 રનની ભાગીદારી કરી હતી. નિસાંકા 35 અને મેન્ડિસ 36 રન બનાવીને આઉટ થયા હતા.
પ્રથમ બેટિંગ કરવા ઉતરેલી અફઘાનિસ્તાનને ઓપનરોએ સારી શરૂઆત અપાવી હતી. જઝાઈ અને ગુરબાઝ વચ્ચે પ્રથમ વિકેટ માટે 46 રનની ભાગીદારી થઈ હતી. હઝરતુલ્લા ઝાઝાઈ 16 બોલમાં 13 રન બનાવીને આઉટ થયો હતો. જાર્ડન અને ગુરબાઝે બીજી વિકેટ માટે 64 બોલમાં 93 રનની ભાગીદારી કરી હતી. ગુરબાઝે 45 બોલમાં 84 રનની ઈનિંગમાં ચાર ચોગ્ગા અને છગ્ગા ફટકાર્યા હતા. આ સિવાય ઈબ્રાહિમ ઝદરાને 40 (38) રનની ઈનિંગ રમી હતી. 16મી ઓવરમાં ગુરબાઝ અને 18મી ઓવરમાં ઈબ્રાહિમના પતન બાદ અફઘાનિસ્તાનના રનોની ગતિ થંભી ગઈ હતી. ઇનિંગ્સની 19મી ઓવર અફઘાન માટે નિરાશાજનક રહી, જ્યાં તેણે માત્ર ત્રણ રન બનાવ્યા અને કેપ્ટન મોહમ્મદ નબી (01) અને નજીબુલ્લાહ ઝદરાન (17)ની વિકેટ ગુમાવી દીધી. રાશિદ ખાને છેલ્લી ઓવરમાં નવ રન ફટકારીને પોતાની ટીમને 20 ઓવરમાં 176 રન સુધી પહોંચાડી દીધી હતી.
