શ્રીલંકામાં આર્થિક સંકટના કારણે સામાન્ય નાગરિકોની સાથે અહીંના ક્રિકેટરો પણ મુશ્કેલીનો સામનો કરી રહ્યા છે. શ્રીલંકાના યુવા ક્રિકેટર ચમિકા કરુણારત્ને કારમાં પેટ્રોલ ન હોવાના કારણે મેચ પ્રેક્ટિસ માટે જઈ શક્યા ન હતા. કરુણારત્નેને તેની કારમાં ઈંધણ ભરવા માટે બે દિવસ રાહ જોવી પડી હતી. તેણે કહ્યું કે અમે મોટી સમસ્યામાં છીએ. હું છેલ્લા 2 દિવસથી તેલ ભરવા માટે કતારમાં ઉભો છું. મેં તેને રૂ. 10,000માં ભર્યું છે, જે માત્ર 2-3 દિવસ ચાલશે.
જો કે, નાણાકીય કટોકટી હોવા છતાં, દેશમાં ક્રિકેટનું આયોજન ચાલુ છે. હાલમાં જ ઓસ્ટ્રેલિયન ટીમે અહીંની મુલાકાત લીધી હતી, હવે પાકિસ્તાની ટીમ અહીં બે ટેસ્ટ મેચની સિરીઝ માટે આવી છે.
બીજી તરફ, ચમિકા કરુણારત્ને એ વર્ષ 2019માં શ્રીલંકા માટે ડેબ્યૂ કર્યું હતું પરંતુ દેશની વર્તમાન પરિસ્થિતિથી તે ખૂબ જ નિરાશ છે. ન્યૂઝ એજન્સી ANI સાથે વાત કરતા કરુણારત્નેએ કહ્યું, “સદ્ભાગ્યે મને બે દિવસની રાહ જોયા બાદ પેટ્રોલ મળ્યું. દેશમાં તેલ ખતમ થઈ ગયું છે. કાર હોવા છતાં હું પ્રેક્ટિસ માટે જઈ શકતો નથી.
તેણે કહ્યું, ‘એશિયા કપનું આયોજન થવા જઈ રહ્યું છે અને આ વર્ષે શ્રીલંકા પ્રીમિયર લીગની મેચોની પણ જાહેરાત કરવામાં આવી છે. મને ખબર નથી કે શું થશે કારણ કે મારે ક્લબ સીઝનમાં પ્રેક્ટિસ કરવા અને ભાગ લેવા માટે કોલંબો અને અલગ-અલગ સ્થળોએ જવું પડશે પરંતુ પેટ્રોલને કારણે હું ક્યાંય જઈ શકતો નથી.
આ હોવા છતાં, ચમિકા આગામી એશિયા કપ 2022 માટે તેની અને શ્રીલંકાની ટીમની તૈયારીને લઈને આશાવાદી છે, પરંતુ તે દેશમાં ચાલી રહેલા સંકટને લઈને પણ ખૂબ જ ચિંતિત છે.
Business/ અનાજ, કઠોળમાં પાંચ ટકા GSTનો વિરોધ, વેપારી મંડળની દેશવ્યાપી હડતાળની હાકલ
