સ્ટાર ફૂટબોલર ક્રિસ્ટિયાનો રોનાલ્ડોની માન્ચેસ્ટર યુનાઈટેડ સાથેની સફરનો અંત આવી ગયો છે. એટલે કે, હવે રોનાલ્ડો તાત્કાલિક અસરથી માન્ચેસ્ટર યુનાઈટેડનો ભાગ નહીં બને. આ સમાચાર ક્લબ અને રોનાલ્ડો વચ્ચે પરસ્પર સમજૂતી બાદ સામે આવ્યા છે. માન્ચેસ્ટર યુનાઈટેડ દ્વારા પણ આ અંગે નિવેદન બહાર પાડવામાં આવ્યું છે.
Cristiano Ronaldo is to leave Manchester United by mutual agreement, with immediate effect.
The club thanks him for his immense contribution across two spells at Old Trafford.#MUFC
— Manchester United (@ManUtd) November 22, 2022
ક્રિસ્ટિયાનો રોનાલ્ડો તાત્કાલિક અસરથી માન્ચેસ્ટર યુનાઈટેડ છોડી રહ્યો છે. આ નિર્ણય પરસ્પર સમજૂતી બાદ લેવામાં આવ્યો છે. ટીમ સાથે બે સીઝન ગાળવા અને ઉત્તમ યોગદાન આપવા બદલ ક્લબ તેમનો આભાર માને છે. તેણે ટીમ માટે 346 મેચમાં 145 ગોલ કર્યા છે. તેમને અને તેમના પરિવારને ભવિષ્ય માટે શુભકામનાઓ. માન્ચેસ્ટર યુનાઈટેડમાં દરેક વ્યક્તિ એરિક ટેન હાગ હેઠળ ટીમની પ્રગતિ ચાલુ રાખવા અને પીચ પર સફળતા હાંસલ કરવા સાથે મળીને કામ કરવા પર ધ્યાન કેન્દ્રિત કરે છે.’
ક્રિસ્ટિયાનો રોનાલ્ડોએ તાજેતરમાં પિયર્સ મોર્ગનને એક ઇન્ટરવ્યુ આપ્યો હતો, જે પછી ક્લબ અને ફૂટબોલર વચ્ચેના સંબંધોમાં ખટાશ આવી ગઈ હતી. પોતાના ઈન્ટરવ્યુમાં ક્રિસ્ટિયાનો રોનાલ્ડોએ ક્લબ, તેના સન્માન અને ભૂતપૂર્વ ખેલાડીઓ પર નિશાન સાધ્યું હતું. તે જ સમયે, રોનાલ્ડોએ માન્ચેસ્ટર યુનાઇટેડના માલિકો – ગ્લેઝર્સ પરિવાર પર ટીમ અને તેના ખેલાડીઓની કાળજી ન લેવાનો આરોપ મૂક્યો. બાદમાં માન્ચેસ્ટર યુનાઈટેડએ આ ઈન્ટરવ્યુની તપાસ શરૂ કરી.
