રાજ્ય ના નાગરિકો એ માસ્ક ના પહેરવા બદલ ભર્યો કરોડો રૂપિયાનો દંડ
ગુજરાત રાજ્યમાં કોરોના વાઇરસે કાળો કહેર મચાવ્યો છે. ત્યારે કોરોના વાઈરસને કારણે રાજ્યમાં ગત માર્ચ 2020 થી રાજ્ય વ્યાપી લોક ડાઉન લગાવવામાં આવ્યું હતું. અને આશરે ત્રણ મહિના જેટલા લાંબા ગાળા બાદ તેમાં ધીરે ધીરે છૂટછાટ આપવામાં આવી હતી. ત્યારે કોરોનાના કપરા કાળમાં ગુજરાતની જનતા મંદીના ચક્રવ્યુહમાં બહુ ખરાબ રીતે સપડાઈ છે. ત્યારે આ સમય ગાળામાં પણ ગુજરાતીઓએ અધધ રકમનો દંડ ભર્યો છે.
મોંઘવારી અને મંદી વચ્ચે રાજ્ય સરકારએ રૂપિયા 1 અબજ 68 કરોડ દંડ પેટે ઉઘરાવ્યા છે. જે ખરેખર બહુ મોટી રકમ છે. વિધનસભા ગૃહમાં સરકારે દંડ અંગે જવાબ રજુ કર્યો હતો. અને તેમાં જાહેર કરવામાં આવેલા આંકડા ખરેખર ખુબ જ ચોકાવનારા છે.
રાજ્યના 16 લાખ 78 હજાર 922 લોકો એ કોરોના કાળમાં નિયમ ભંગ બદલ દંડ ભર્યો છે. જેમાં સૌથી વધુ દંડ અમદાવાદના નાગરિકોએ ભર્યો છે. અમદાવાદના 2 લાખ 71 હજાર 621 નાગરિકો એ દંડ ભર્યો છે. જયારે સુરતમાં 1 લાખ 87 હજાર 787 નાગરિકો એ દંડ ભર્યો છે. વડોદરા ના 73 હજાર 599 લોકો એ માસ્ક ના પહેરવા બદલ દંડ ભર્યો છે. રાજકોટ ના 1 લાખ 6 હજાર 841 લોકો એ દંડ ભર્યો છે.
