જાહેર ક્ષેત્રની બેંકોએ છેલ્લા 5 વર્ષમાં ખરેખર ચમત્કાર કર્યો છે. PSU Bank Profit 2017-18માં લગભગ 85000 કરોડની ખોટમાં બેઠેલી બેંકો આજે એક લાખ કરોડના નફાની ટોચને સ્પર્શી રહી છે. જાહેર ક્ષેત્રની બેંકો (PSBs)નો નફો છેલ્લા નાણાકીય વર્ષ (2022-23)માં સામૂહિક રીતે રૂ. 1 લાખ કરોડને પાર કરી ગયો છે. આમાં લગભગ અડધો હિસ્સો દેશની સૌથી મોટી બેંક સ્ટેટ બેંક ઓફ ઈન્ડિયા (SBI) પાસે હતો. PSBs ના નાણાકીય પરિણામોનું વિશ્લેષણ દર્શાવે છે કે છેલ્લાં કેટલાંક વર્ષોમાં બેન્કોએ નોંધપાત્ર વૃદ્ધિ દર્શાવી છે.
PSBsએ 2017-18માં રૂ. 85,390 કરોડની ચોખ્ખી ખોટ નોંધાવ્યા બાદ 2022-23માં રૂ. 1,04,649નો નફો કર્યો છે. 2021-22માં આ 12 જાહેર ક્ષેત્રની બેંકોના નફામાં 66,539.98 કરોડની સરખામણીમાં 57 ટકાનો વધારો થયો છે.
બેંક ઓફ મહારાષ્ટ્રનો નફો 126% વધ્યો
ટકાવારીની દ્રષ્ટિએ, પૂણેની બેંક ઓફ મહારાષ્ટ્ર (BoM) એ 126 ટકાની PSU Bank Profit વૃદ્ધિ સાથે રૂ. 2,602 કરોડનો સૌથી વધુ નફો નોંધાવ્યો હતો. આ પછી, યુકોએ 100 ટકાની વૃદ્ધિ સાથે રૂ. 1,862 કરોડનો નફો મેળવ્યો છે અને બેન્ક ઓફ બરોડાએ 94 ટકાની વૃદ્ધિ સાથે રૂ. 14,110 કરોડનો નફો મેળવ્યો છે. એકંદરે, SBIનો વાર્ષિક નફો 59 ટકાની વૃદ્ધિ સાથે છેલ્લા PSU Bank Profit નાણાકીય વર્ષમાં રૂ. 50,232 કરોડ રહ્યો છે.
તેજીના વાવાઝોડામાં પણ પીએનબી પાછળ છે
પંજાબ નેશનલ બેંક (PNB)ને બાદ કરતાં અન્ય PSBએ ચોખ્ખા નફામાં PSU Bank Profit પ્રભાવશાળી વૃદ્ધિ નોંધાવી છે. PNBનો ચોખ્ખો નફો 2021-22માં રૂ. 3,457 કરોડથી 27 ટકા ઘટીને રૂ. 2,507 કરોડ હતો. બેંક ઓફ બરોડા (રૂ. 14,110 કરોડ) અને કેનેરા બેંક (રૂ. 10,604 કરોડ) પણ રૂ. 10,000 કરોડથી વધુનો વાર્ષિક નફો કરતી જાહેર ક્ષેત્રની બેંકોમાં સામેલ છે.
આ પણ વાંચોઃ Stampede/ અલ સાલ્વાડોર ફૂટબોલ સ્ટેડિયમમાં ભાગદોડમાં નવના મોત અને અનેકને ઇજા
આ પણ વાંચોઃ ઓમર અબ્દુલ્લા-આપ/ ઓમર અબ્દુલ્લાએ શા માટે આપની ઝાટકણી કાઢી?
આ પણ વાંચોઃ સિદ્ધારામૈયા-ભાજપ/ અગાઉની સરકારી નકામી હોવાના સિદ્ધારામૈયાના દાવા સામે ભાજપનો વળતો પ્રહાર સરકાર તૂટી પડશે
