Stock Market News: સ્થાનિક શેરબજારની શરૂઆત આજે તેજી સાથે થઈ છે. સેન્સેક્સ અને નિફ્ટીમાં ઉછાળો જોવા મળી રહ્યો છે, જેની પાછળ આઈટી શેરમાં ઉછાળાનો ટેકો છે. ગઈ કાલે બૅન્કિંગ શૅરોમાં ઘટાડો જોવા મળ્યો હતો જે આજે પણ ચાલુ છે અને તે બજારને ઊંચાઈ હાંસલ કરતા અટકાવી રહ્યા છે.
બજારની શરૂઆત કેવી થઈ?
સપ્તાહના છેલ્લા ટ્રેડિંગ દિવસે, BSE સેન્સેક્સ 118.70 પોઈન્ટ અથવા 0.15 ટકાના વધારા સાથે 80,158 પર ખુલ્યો હતો. NSE નો નિફ્ટી 17.25 પોઈન્ટ અથવા 0.071 ટકાના વધારા સાથે 24,423 પર ખુલ્યો હતો.
બેંકના શેરમાં સતત ઘટાડો
ગઈકાલે પણ બેંક નિફ્ટીમાં ઘટાડો જોવા મળ્યો હતો જે આજે પણ ચાલુ છે. બેન્ક નિફ્ટી 169.75 પોઈન્ટ અથવા 0.33 ટકાના ઘટાડા સાથે 50,719 પર છે. તેના 12 શેરમાંથી 6 વધી રહ્યા છે અને 6 ઘટી રહ્યા છે. ફેડરલ બેંકમાં સૌથી વધુ 3.56 ટકા અને IDFC ફર્સ્ટ બેંકમાં 1.71 ટકાનો ઘટાડો થયો છે. HDFC બેન્ક, ICICI બેન્ક અને એક્સિસ બેન્કના શેરમાં નબળાઈ છે.
સેન્સેક્સ શેરનું અપડેટ
સેન્સેક્સના 30 શેરોમાંથી 20 શેરોમાં તેજી સાથે અને 10 શેરોમાં ઘટાડો જોવા મળી રહ્યો છે. સેન્સેક્સમાં ટોપ ગેનર ભારતી એરટેલ છે અને તે 2.25 ટકા ઉપર છે. ટાટા સ્ટીલ આજે પણ ઉપર છે અને 1.97 ટકાનો વધારો દર્શાવે છે. આ સિવાય ઈન્ફોસીસ, જેએસડબલ્યુ સ્ટીલ, એચસીએલ ટેક, ટીસીએસ, બજાજ ફાઈનાન્સ, એશિયન પેઈન્ટ્સ, પાવરગ્રીડ, એસબીઆઈ, અદાણી પોર્ટ્સ, રિલાયન્સ ઈન્ડસ્ટ્રીઝ, એમએન્ડએમ, બજાજ ફિનસર્વ જેવા શેરોમાં વધારો થઈ રહ્યો છે.
આ પણ વાંચો:મોદી 3.0નું પ્રથમ બજેટ; ઈન્કમ ટેક્ષ સ્લેબ, રાજકોષીય શિસ્ત પર રહેશે સૌની નજર
આ પણ વાંચો:નાણામંત્રી નિર્મલા સીતારમણ આજે રજૂ કરશે બજેટ, મોદી 3.0થી લોકોને મોટી આશા
આ પણ વાંચો:બજેટ રજૂ થતાં જ તૂટશે ભૂતપૂર્વ PM મોરારજી દેસાઈનો રેકોર્ડ, નિર્મલા સિતારામણ રચશે ઈતિહાસ
