Sukesh Chandrashekhar Case Update: બોલિવૂડ અભિનેત્રી જેકલીન ફર્નાન્ડીઝ ફરી એકવાર સમાચારોમાં ચમકી છે. 200 કરોડ રૂપિયાના ચકચારી મની લોન્ડરિંગ કેસમાં જેકલીને પટિયાલા હાઉસ કોર્ટમાં ‘સરકારી સાક્ષી’ (એપ્રુવર) બનવા માટે અરજી કરી છે. જો કોર્ટ આ વિનંતી સ્વીકારી લેશે, તો આ કેસમાં જેકલીન માત્ર સાક્ષી બની જશે અને સુકેશ ચંદ્રશેખરની મુશ્કેલીઓ અનેકગણી વધી જશે.
EDએ જેકલીનને બનાવી છે સહ-આરોપી
એન્ફોર્સમેન્ટ ડિરેક્ટોરેટ (ED) દ્વારા જેકલીન ફર્નાન્ડીઝને આ કેસમાં સહ-આરોપી તરીકે નામિત કરવામાં આવી છે. તપાસ એજન્સીનો આરોપ છે કે સુકેશ ચંદ્રશેખરે (Sukesh Chandrashekhar) છેતરપિંડી દ્વારા મેળવેલા કરોડો રૂપિયામાંથી જેકલીનને મોંઘી કાર, હીરાની જ્વેલરી અને વિદેશી બિલાડીઓ જેવી કિંમતી ભેટો આપી હતી. જેકલીન પર આ ગુનાહિત કમાણીનો લાભ લેવાનો ગંભીર આરોપ છે.
શું છે સરકારી સાક્ષી બનવાનું ગણિત?
કાયદાકીય પ્રક્રિયા મુજબ, જો કોઈ સહ-આરોપી તપાસમાં મદદ કરવા અને કેસના તમામ રહસ્યો ખોલવા તૈયાર હોય, તો તે સરકારી સાક્ષી બની શકે છે. CrPC ની કલમ 306 હેઠળ, જો તપાસ એજન્સી અને કોર્ટને ખાતરી થાય કે જેકલીન સંપૂર્ણ સત્ય જણાવી રહી છે, તો તેને આ કેસમાં સજામાંથી માફી મળી શકે છે. જોકે, આ અંગેનો અંતિમ નિર્ણય કોર્ટ આગામી સુનાવણીમાં લેશે.
Sukesh Chandrashekhar માટે ખતરાની ઘંટડી
સુકેશ ચંદ્રશેખર (Sukesh Chandrashekhar) પર કેન્દ્રીય કાયદા સચિવ હોવાનો ઢોંગ કરી અદિતિ સિંહ પાસેથી 200 કરોડ પડાવવાનો આરોપ છે. જો જેકલીન કોર્ટમાં તેની વિરુદ્ધ નિવેદન આપશે, તો સુકેશ (Sukesh Chandrashekhar) સામેના પુરાવા વધુ મજબૂત બનશે. પટિયાલા હાઉસ કોર્ટે આ મામલે પ્રોસિક્યુશનને નોટિસ પાઠવી છે અને હવે 20 એપ્રિલના રોજ થનારી સુનાવણી પર સૌની નજર ટકેલી છે.
આ પણ વાંચો: બંગાળી અભિનેતા રાહુલ બેનર્જીનું શૂટિંગ દરમિયાન દરિયામાં ડૂબી જવાથી મોત, મનોરંજન જગત સ્તબ્ધ
આ પણ વાંચો: મારો આત્મા દાઉદમાં વસે છે’, અંડરવર્લ્ડ ડોન પર રામ ગોપાલ વર્માનું ચોંકાવનારું નિવેદન
