Surat News: સુરત શહેરમાં એક ચોંકાવનારી ઘટના સામે આવી છે, જેમાં ધાર્મિક માન્યતા અને ઉપચારના બહાને એક પરિણીતા સાથે દુષ્કર્મ (Surat Bhuva Rape Case) આચરવામાં આવ્યું હોવાનો આરોપ સામે આવ્યો છે. કતારગામ વિસ્તારમાં રહેતી પરિણીતાની ફરિયાદના આધારે પોલીસે આરોપી ભુવાની ધરપકડ કરી વધુ તપાસ હાથ ધરી છે.
મળતી માહિતી મુજબ, આરોપી ભુવા ધાર્મિક વિધિઓ અને સમસ્યાઓના નિવારણના નામે લોકોનો વિશ્વાસ જીતતો હતો. ફરિયાદી મહિલાનો સંપર્ક પણ આ જ રીતે થયો હતો. મહિલાએ આરોપ મૂક્યો છે કે ભુવાએ ધાર્મિક ઉપચાર અને વિશેષ વિધિ કરાવવાના બહાને તેને હોટલમાં બોલાવી હતી. ત્યાં પહોંચ્યા બાદ મહિલાની મરજી વિરુદ્ધ દુષ્કર્મ (Surat Bhuva Rape Case) આચરવામાં આવ્યું હોવાનું ફરિયાદમાં જણાવાયું છે.
Surat Bhuva Rape Case: ધાર્મિક માન્યતાનો લાભ લઈ મહિલાનું શોષણ
પોલીસ તપાસમાં સામે આવ્યું છે કે આરોપી ભાડાના મકાનમાં રહેતો હતો અને સોશિયલ મીડિયા પર વૈભવી જીવનશૈલી દર્શાવતી પોસ્ટ્સ મૂકીને લોકોમાં પોતાની અલગ છાપ ઊભી કરતો હતો. મોંઘી ગાડીઓ, ભવ્ય જીવન અને ધાર્મિક પ્રભાવ દર્શાવતી પોસ્ટ્સ દ્વારા લોકોનો વિશ્વાસ જીતવાનો પ્રયાસ કરતો હોવાનું પણ તપાસમાં સામે આવ્યું છે.
મહિલાની ફરિયાદ બાદ પોલીસે તાત્કાલિક ગુનો નોંધી આરોપીની ધરપકડ કરી છે. હાલ પોલીસ દ્વારા ઘટનાના તમામ પાસાઓની તપાસ કરવામાં આવી રહી છે. સાથે જ આરોપીએ અન્ય કોઈ મહિલાને પણ આ જ રીતે શિકાર બનાવી છે કે નહીં તે અંગે પણ માહિતી એકત્રિત કરવામાં આવી રહી છે.
પોલીસે લોકોને અંધશ્રદ્ધા અને ખોટા ધાર્મિક દાવાઓથી સાવચેત રહેવાની અપીલ કરી છે. કેસમાં વધુ પુરાવા એકત્રિત કરીને આગળની કાયદેસરની કાર્યવાહી હાથ ધરવામાં આવી રહી છે.
આ પણ વાંચો:અંધશ્રદ્ધાનો ખૌફનાક ચહેરો! ધ્રાંગધ્રામાં તાંત્રિક મહિલાએ 4 વર્ષના બાળકનો જીવ લીધો
આ પણ વાંચો:ધનસુરાના કોલવડામાં અંધશ્રદ્ધા ફેલાવી લૂંટ કરનાર બે નકલી સાધુ ઝડપાયા
આ પણ વાંચો:અંધશ્રદ્ધાની પરાકાષ્ઠા! ખાનગી હોસ્પિટલના ગેટ પર ધૂણ્યો ભૂવો, મૃતકની આત્મા કળશમાં પૂરીને ઘરે લઈ ગયા
