ધર્મ, આધ્યાત્મિકતા સાથે જોડાવાની કોઈ ઉંમર નથી, આવું કંઈક થયું છે. ગુજરાતના સુરતમાં, જ્યાં હીરા ઉદ્યોગપતિની જાહોજલાલી વચ્ચે ઉછરેલી દીકરી હેતવી સંસારિક સુખનો ત્યાગ કરી 17 વર્ષની ઉંમરે દીક્ષા ગ્રહણ કરશે. જ્યાં આજકાલના ટીન એજર ફિલ્મી દુનિયાના કલાકારોનું અનુકરણ કરવા બેઠા છે. અને તેમના જેવી લાઈફ સ્ટાઈલના સપના જોઈ રહ્યા છે ત્યાં આ દીકરી સંસાર ત્યજીને મોક્ષના માર્ગે ચાલી નીકળી છે.
એવું કહેવામાં આવી રહ્યું છે કે હેત્વીએ 8 વર્ષની ઉંમરે ઉપધાન તપ કર્યું હતું. તે મૂળ ગુજરાતની છે, પરંતુ હાલમાં તે મુંબઈમાં રહે છે. હવે 16 ફેબ્રુઆરીએ હેતવીનો સુરતમાં વિદાય સમારંભ યોજાશે. હેત્વીના પિતા મિલનભાઇ શેઠ મુંબઇમાં ડાયમંડના વ્યવસાય સાથે સંકળાયેલા છે.
પરિવારના સભ્યોએ જણાવ્યું કે 17 વર્ષની હેતવી રાજસ્થાનના આહોરમાં આચાર્ય ભગવંત જયાનંદ સુરી પાસેથી દીક્ષા લેશે. આ સંદર્ભમાં, આચાર્યએ 24 ફેબ્રુઆરીએ દીક્ષા મુહુર્ત પણ કાઢવી લીધા છે. પિતાએ કહ્યું હતું કે, શરૂઆતથી જ, હેતેવીનો આધ્યાત્મિકતા તરફનો ઝુકાવ હતો, જ્યારે હેતેવીએ 8 વર્ષની વયે તપ કરવાનું શરુ કર્યું હતું. તેણે ગુરુકુળમાં 9 મા ધોરણ સુધી પણ અભ્યાસ કર્યો છે. અભ્યાસ કરતી વખતે, પુત્રીએ કહ્યું હતું કે, તે આ તમામ દુન્યવી સુખનો ત્યાગ કરશે. તપ કર્યા પછી હેતવીને આચાર્ય ભગવંત જયાનંદ સૂરી મહારાજના શિષ્ય સાધ્વી મુક્તિપ્રજ્ઞા પાસે અભ્યાસ માટે મોકલવામાં આવી હતી. પરિવારે પણ પુત્રી પર કોઈ દબાણ ન રાખ્યું અને તેમની મરજી મુજબ નિર્ણય લેવાની છૂટ આપી.
હવે 16 ફેબ્રુઆરીએ હેતવીના દિક્ષા પથ ઉપર જતા પહેલા સુરતમાં ભવ્ય વિદાય સમારંભ યોજાશે. જે માટે તૈયારીઓ પૂર્ણ કરવામાં આવી રહી છે. હેતવીએ પોતાની નાની ઉંમર માં જ ઘણા કર્યો કરી ચુકી છે. તેમણે દીક્ષા માટે તૈયાર થવા માટે વિવિધ પ્રક્રિયાઓ પણ પૂર્ણ કરી છે.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
