Surat News : પોલીસની ફરજ માત્ર કાયદો-વ્યવસ્થા જાળવવાની જ નથી, પરંતુ જરૂરિયાતના સમયે માનવતા (Humanity)નિભાવવાની પણ હોય છે. સુરત (Surat)ના આઉટર રિંગ રોડ પર બનેલી એક ઘટનાએ આ વાતને ફરી એકવાર સાચી સાબિત કરી છે. ઉત્રાણ પોલીસ સ્ટેશનના સેકન્ડ PI એન. જી. પટેલે અકસ્માતમાં ગંભીર રીતે ઘવાયેલી વૃદ્ધા (Injured Elderly Woman)ને સમયસર હોસ્પિટલ પહોંચાડીને માનવતાનું ઉત્તમ ઉદાહરણ પૂરું પાડ્યું છે.
સુરત (Surat)ના આઉટર રિંગ રોડ પર બાઈક સ્લીપ થતાં અકસ્માત
પ્રાપ્ત માહિતી મુજબ, એક યુવક પોતાની વૃદ્ધ માતાને બાઈક પર લઈને આઉટર રિંગ રોડ પરથી પસાર થઈ રહ્યો હતો. વરસાદને કારણે રસ્તો ભીનો હોવાથી અચાનક બાઈક સ્લીપ થઈ ગઈ. અકસ્માતમાં માતા અને પુત્ર બંને રસ્તા પર પટકાયા, જેમાં વૃદ્ધાને હાથ, પગ અને માથામાં ગંભીર ઈજાઓ પહોંચી હતી. માથામાંથી લોહી વહેતા આસપાસના લોકો પણ ગભરાઈ ગયા હતા.
પેટ્રોલિંગ દરમિયાન PIની નજર અકસ્માત પર પડી
તે જ સમયે ઉત્રાણ પોલીસ સ્ટેશનના સેકન્ડ PI એન. જી. પટેલ (PI NG Patel)પોતાની ટીમ સાથે વિસ્તારમાં પેટ્રોલિંગ કરી રહ્યા હતા. રસ્તા પર ભીડ અને અકસ્માત જોઈ તેમણે તરત જ પોલીસ વાહન રોક્યું અને ઈજાગ્રસ્ત વૃદ્ધા સુધી પહોંચી પરિસ્થિતિનો તાગ મેળવ્યો.
પાણી પીવડાવી હિંમત આપી
PI પટેલે સૌથી પહેલા વૃદ્ધાને શાંત પાડવાનો પ્રયાસ કર્યો. તેમને પાણી પીવડાવ્યું અને સતત આશ્વાસન આપ્યું કે ગભરાવાની જરૂર નથી. ઈજાના કારણે ભયભીત બનેલા માતા-પુત્રને માનસિક રીતે સંભાળ્યા બાદ તેમણે વધુ વિલંબ કર્યા વગર સારવાર માટે કાર્યવાહી શરૂ કરી.
પોલીસ વાનમાં હોસ્પિટલ પહોંચાડ્યા
એમ્બ્યુલન્સની રાહ જોવાને બદલે PI એન. જી. પટેલે પોતાની સરકારી પોલીસ વાનમાં વૃદ્ધાને બેસાડીને નજીકની હોસ્પિટલમાં પહોંચાડ્યા. સમયસર સારવાર મળતાં તેમની સ્થિતિ નિયંત્રણમાં આવી હોવાનું જાણવા મળ્યું છે.
પોલીસની માનવતાની પ્રશંસા
PI એન. જી. પટેલની ઝડપી કાર્યવાહી અને માનવતાભર્યા (Humanity)અભિગમને સ્થાનિક લોકોએ બિરદાવ્યો છે. સોશિયલ મીડિયા પર પણ લોકો ગુજરાત પોલીસના આ કાર્યની પ્રશંસા કરી રહ્યા છે. મુશ્કેલીની ઘડીએ પોલીસ દ્વારા આપવામાં આવેલી મદદ અનેક લોકો માટે પ્રેરણારૂપ બની છે
