Breaking News: સુરતના સિંગણપોર વિસ્તારમાં આવેલા નવા મહોલ્લામાં મકાનમાં આગ (Singnapore Fire) લાગતાં અફરાતફરીનો માહોલ સર્જાયો હતો. મકાનના પહેલા માળે અચાનક આગ ફાટી નીકળતાં આસપાસના વિસ્તારમાં ધુમાડાના ગોટેગોટા જોવા મળ્યા હતા. ઘટનાની જાણ થતાં ફાયર વિભાગને જાણ કરવામાં આવી હતી. ત્યારબાદ શહેરના પાંચ ફાયર સ્ટેશનની ટીમો તાત્કાલિક ઘટનાસ્થળે પહોંચી હતી. આગ પર કાબૂ મેળવવા માટે 10થી વધુ ફાયર ફાઈટર અને અન્ય સાધનો સાથે કામગીરી શરૂ કરવામાં આવી હતી.

Singnapore Fire: મકાનના પહેલા માળે આગ લાગતાં અફરાતફરી

મળતી માહિતી મુજબ, નવા મહોલ્લામાં આવેલા એક મકાનના પહેલા માળે આગ લાગી હતી. આગે જોતજોતામાં વિકરાળ સ્વરૂપ ધારણ કરતાં મકાનમાં રહેતા લોકોમાં ભયનો માહોલ ફેલાયો હતો.આગની જાણ થતાં આસપાસના લોકો પણ ઘટનાસ્થળે એકત્ર થઈ ગયા હતા. ફાયર વિભાગની ટીમો પહોંચે તે પહેલાં સ્થાનિકોએ બચાવ કામગીરી શરૂ કરી હતી.

મહિલા સહિત ત્રણથી વધુ લોકોને સ્થાનિકોએ બચાવ્યા

આગ (Singnapore Fire) લાગ્યા બાદ મકાનના પહેલા અને બીજા માળે કેટલાક લોકો ફસાયા હોવાની માહિતી સામે આવી છે. જેમાં એક મહિલા સહિત ત્રણથી વધુ લોકોને સ્થાનિકોએ સુરક્ષિત રીતે બહાર કાઢ્યા હતા.સ્થાનિકોની સમયસરની કામગીરીને કારણે ફસાયેલા લોકોને બહાર કાઢવામાં મદદ મળી હતી. ત્યારબાદ ફાયર વિભાગની ટીમે આગ (Singnapore Fire) બુઝાવવાની કામગીરી સંભાળી હતી.

પાંચ ફાયર સ્ટેશનની ટીમો ઘટનાસ્થળે

આગની ગંભીરતાને ધ્યાનમાં રાખીને ફાયર વિભાગે પાંચ ફાયર સ્ટેશનમાંથી ટીમો અને વાહનો ઘટનાસ્થળે મોકલ્યા હતા. 10થી વધુ ફાયર ગાડીઓ દ્વારા આગને કાબૂમાં લેવાના પ્રયાસો શરૂ કરવામાં આવ્યા હતા.ફાયર કર્મચારીઓએ મકાનના અલગ-અલગ ભાગોમાં પાણીનો મારો ચલાવી આગને વધુ ફેલાતી અટકાવવાની કામગીરી હાથ ધરી હતી.

આગનું કારણ જાણવા તપાસ થશે

હાલ ફાયર વિભાગ દ્વારા આગ (Singnapore Fire) પર સંપૂર્ણ કાબૂ મેળવવાની કામગીરી ચાલી રહી છે. આગ કયા કારણોસર લાગી અને મકાનમાં કેટલું નુકસાન થયું તે અંગે આગ સંપૂર્ણપણે કાબૂમાં આવ્યા બાદ વધુ માહિતી સામે આવી શકે છે.આ ઘટનામાં કોઈ જાનહાનિ થઈ છે કે કેમ તે અંગે સત્તાવાર વિગતોની રાહ જોવાઈ રહી છે.

આ પણ વાંચો:સુરત આગ દુર્ઘટના: વિદ્યાર્થિની કૃતિનું કરુણ મોત, ધો.12 ના પરિણામ સાથે જ નીકળી અંતિમયાત્રા

આ પણ વાંચો:સુરતમાં મિલેનિયમ માર્કેટ-2 માં ફરી લાગી આગ, ફાયર બ્રિગેડની ટીમ ઘટનાસ્થળે

આ પણ વાંચો:સુરતના સચિન GIDCમાં હોજીવાલા ઈન્ડસ્ટ્રીમાં આગ: ફાયર બ્રિગેડની તાત્કાલિક કાર્યવાહી