Ahmedabad News: સ્વામિનારાયણ સંપ્રદાયના પ્રથમ અને સૌથી પ્રસિદ્ધ કાલુપુર મંદિરમાંથી એક આશ્ચર્યજનક વિવાદ સામે આવ્યો છે. સંતના વેશમાં રહીને સ્ત્રી સાથે અશ્લીલ રંગરેલીયા મનાવતા પકડાયેલા સ્વામી રામકૃષ્ણદાસજી (ઉર્ફે પુરૂષોત્તમ પ્રકાશ)ને (Saint Controversy) મંદિર પ્રશાસને તાત્કાલિક હાંકી કાઢ્યા છે. આ ઘટનાએ સમગ્ર સ્વામિનારાયણ સંપ્રદાયમાં હલચલ મચાવી દીધી છે અને ધાર્મિક અગ્રણીઓ તેમજ ભક્તોમાં તીવ્ર નારાજગી જોવા મળી રહી છે.
સ્વામિનારાયણ સંપ્રદાયના અમદાવાદના કાલુપુર મંદિરમાં આવેલા સ્વામી (Saint Controversy) રામકૃષ્ણદાસજી લાંબા સમયથી સેવા આપી રહ્યા હતા. તેઓ પુરૂષોત્તમ પ્રકાશ તરીકે પણ ઓળખાતા હતા. માહિતી અનુસાર, તેમને સ્ત્રી સાથે અનૈતિક સંબંધો જાળવતા અને રંગેરેલીયા મનાવતા સીધા પકડી પાડવામાં આવ્યા હતા. આ આક્ષેપ ગંભીર છે અને તે ધર્મના નામે થતા ધતિંગનું એક વધુ ઉદાહરણ બની રહ્યું છે.
મંદિર પ્રશાસન અને સંપ્રદાયના વરિષ્ઠ સંતોએ આ ઘટનાની ગંભીરતા સમજીને તાત્કાલિક પગલાં લીધાં છે.સ્વામી રામકૃષ્ણદાસજીને (Saint Controversy) સ્વામિનારાયણ સંપ્રદાયમાંથી હાંકી કાઢવામાં આવ્યા છે અને તેમને મંદિરની સેવા તેમજ સંપ્રદાય સાથેના તમામ સંપર્કો તોડી નાખવામાં આવ્યા છે. મંદિર તંત્રના એક વરિષ્ઠ અધિકારીએ જણાવ્યું કે, “સંતના વેશમાં આવું કૃત્ય કરનાર વ્યક્તિને કોઈ પણ સ્થિતિમાં સહન કરી શકાય નહીં. ભગવાન સ્વામિનારાયણના આદેશ અને ગુરુ પરંપરાનું રક્ષણ કરવું અમારું પ્રથમ કર્તવ્ય છે.”
સ્વામિનારાયણ સંપ્રદાયમાંથી રામકૃષ્ણદાસજીને (Saint Controversy) હાંકી કાઢ્યા
આ નિર્ણય બાદ મંદિર પરિસરમાં ભક્તોમાં મિશ્ર પ્રતિક્રિયા જોવા મળી રહી છે. કેટલાક ભક્તોએ આ કાર્યવાહીની પ્રશંસા કરી છે તો કેટલાકે આવા વિવાદોને લીધે સંપ્રદાયની પ્રતિષ્ઠા પર આંચ આવવાની ચિંતા વ્યક્ત કરી છે.કાલુપુર સ્વામિનારાયણ મંદિર સ્વામિનારાયણ સંપ્રદાયનું મૂળ મંદિર છે, જે ભગવાન સ્વામિનારાયણના આદેશ અનુસાર 1822માં સ્થાપિત થયું હતું. આ મંદિર લાખો ભક્તોનું આસ્થાનું કેન્દ્ર છે અને દરરોજ હજારો શ્રદ્ધાળુઓ અહીં દર્શન માટે આવે છે.
આવા પવિત્ર સ્થળે આવી ઘટના બનવી ઘણા માટે આઘાતજનક છે.સૂત્રોના જણાવ્યા અનુસાર, સ્વામી રામકૃષ્ણદાસજી લાંબા સમયથી મંદિર સાથે જોડાયેલા હતા અને તેઓ વિવિધ ધાર્મિક કાર્યક્રમોમાં સક્રિય રહેતા હતા. જોકે, તાજેતરમાં તેમના વર્તન અંગે અનેક ફરિયાદો આવી હતી, જેના આધારે મંદિર તંત્રે તપાસ કરાવી અને તેમને પકડી પાડવામાં આવ્યા.આ કૃત્યને “ગુરુને શરમાવે તેવું” ગણીને મંદિર પ્રશાસને તેમને તાત્કાલિક બહાર કાઢી મૂક્યા છે. સંપ્રદાયના નિયમો અનુસાર આવા વ્યક્તિને કોઈ પણ પ્રકારની સેવા અથવા સન્માન આપવામાં આવતું નથી.
આ પણ વાંચો:મારી પત્ની લેસ્બિયનઃ કાલુપુર સ્વામિનારાયણ મંદિરના ભાવિ ગાદીપતિના આક્ષેપથી ખળભળાટ
આ પણ વાંચો:કાલુપુર સ્વામિનારાયણ મંદિરના ગાદીપતિના પુત્રનો આક્ષેપ, કહ્યું પત્ની સંપૂર્ણ સ્ત્રી નથી
આ પણ વાંચો:કાલુપુર સ્વામિનારાયણ મંદિરના સાધુ માધવ પ્રિયદાસ પરીણિતાને ભગાડી ગયા હતા
